Jeremia 31:30 - MUMA MALER 2015

³⁰ To koro ng’ama ochamo olemo manumu, dhoge norewre mana en owuon, tiende ni ng’ato ka ng’ato notho mana nikech richone owuon.”

Motingʼo Loko Manyien

³⁰ Makmana, ngʼato ka ngʼato notho nikech richone owuon; ngʼato angʼata mochano olemo ma wach-wach, lake owuon ema notho.”

Jeremia 31:30 ပူးပေါင်းရင်းမြစ်များ

2 Ruodhi 14:6

Ne ok onego yawuot jonekgo, to noluwo wach mondiki e Kitap Chik mar Musa, kama Ruoth Nyasaye owachoe niya, “Kik uneg wuone nikech richo mag nyithindgi, kata kik uneg nyithindo nikech richo mag wuonegi, to ng’ato ka ng’ato noneg mana nikech richone owuon.”

Ayub 21:20

Adier, joricho mondo okum kuom richogi giwegi, eka ging’e mirimb Nyasaye.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Ezekiel 18:20

To mana ng’at motimo richo ema notho. Wuowi ok nyal yudo kum nikech richo mag wuon mare, to wuoro bende ok nyal yudo kum nikech richo mag wuode. Ng’at makare noyud pokne kuom timne makare, to ng’at ma timne mono noyud kum kuom timne mamono.’

Ezekiel 18:4

Ji duto mangima gin maga. Wuoro kata wuowi gin maga giduto machalre. To ng’ato biro tho mana nikech richone owuon.

Ezekiel 3:24

to Roho ne odonjo kuoma, mi achung’. Eka Ruoth Nyasaye ne owachona niya, “Dog dala, mondo ilorri e ot.

Ezekiel 33:13

Ka awacho ni ng’at makare ni nobed mangima, to odonjo e richo, kogeno kuom gik mabeyo mosetimo, to ok napar kata mana gimoro achiel kuom gik mabeyo mosetimo, to enotho athoya nikech richone.

Ezekiel 33:18

Ka ng’at makare oweyo tim makare, mi odonjo e richo, to enotho nikech richone.

Ezekiel 33:8

Ka awachoni ni ng’at marach biro tho, mi ok isieme mondo owe yorene maricho, to enotho kapod en jaricho, kendo in ema nakwani ka ng’ama onege.

Jo-Galatia 6:5

nimar ng’ato ka ng’ato nigi ting’ne owuon.

Rapar mar Chik 24:16

“Kik neg wuone nikech richo mag nyithinde, kata kik neg nyithindo nikech richo mag wuonegi, to ng’ato ka ng’ato noneg mana nikech richone owuon.

Jakobo 1:15

Eka ka gombo osemako ich, to onywolo richo, to richo kosedongo mogik to kelo tho.