Jeremia 31:25 - MUMA MALER 2015

²⁵ Anaduog chuny joma ool, kendo ng’ato ang’ata ma kech ohewo anami chiemo.

Motingʼo Loko Manyien

²⁵ Anami joma ool teko kendo joma chunygi onyosore anajiw.”

Jeremia 31:25 ပူးပေါင်းရင်းမြစ်များ

Zaburi 107:9

Ng’ama riyo oloyo, ne omiyo pi modho, mi orome. Ng’ama odenyo to nomiyo oyieng’ gi gik mabeyo.

Zaburi 23:3

Oduogo chunya, kendo otelona e yo makare kaka nosesingore.

Isaya 32:2

Adier, ng’at moro nobed ni ji ka kama gibwogoe koth gi yamo, bende noduog chuny ji mana ka aore mamol e piny motwo, kata ka tipo mang’ich mar lwanda maduong’, man e piny maliet ma chieng’ kechie.

Isaya 40:29

En ema omiyo joma ool teko. Adier, omedo muya ni joma tekogi orumo.

Isaya 41:17

Joma odhier kod joma chandore manyo pi, to ok ginwang’, omiyo dwondgi otwo nikech riyo, to an Ruoth Nyasaye abiro dwoko kwayogi. Adier, an Nyasach Israel ok najwang’gi.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Jeremia 31:14

Abiro miyo jodolo gundh gi chiemo mabeyo moloyo, kendo joga noyud gik moko duto ma gichando. An Ruoth Nyasaye ema awacho kamano.”

Ezekiel 34:14

Anawe gikwa gi kue e lege mae gode gi holni, kendo e lege duto mabeyo manie piny Israel.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.

Luka 1:53

Oseyieng’o joma odenyo gi gik mabeyo, to joma omew oseriembo gi lwetgi nono.

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

2 Jo-Korintho 7:6

To Nyasaye majiwo joma okuyo, nojiwowa kuom biro mar Tito.