Jeremia 31:22 - MUMA MALER 2015

²² Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Motingʼo Loko Manyien

²² Nyaka karangʼo ma ibiro bayo, yaye nyako maonge adiera? Jehova Nyasaye enochwe gima nyien e piny, dhako nokwak dichwo.”

Jeremia 31:22 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

Jeremia 2:18

“Koro ang’o ma uparo ni ubiro yudo kuom dhi Misri? Uparo ni ubiro modho pi aora Nael? Koso ang’o ma uparo ni ubiro yudo kuom dhi Asuria? Uparo ni ubiro modho pi aora Yufrate?

Jeremia 2:23

Ere kaka unyalo wacho ni pok udwanyoru, bende ni pok ulamo Baal? Parieuru kaka ne utimo richo e holo, kendo neyeuru gik ma usetimo. Uchalo ngamia madhako madwaro thuondi, ma tho ringo aringa koni gi koni.

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Jeremia 3:4

To koro eka uwachona niya, ‘In wuonwa, kendo iseherowa chakre tindowa.’

Jeremia 3:6

E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Jeremia 3:8

Ne gineno bende kaka ne ariembo jo-Israel nikech ne giweya ka dhako moweyo chwore, to dwanyore gi chwo mamoko. To jo-Juda ma owetegigo ma bende joma andhoke ne ok odewo, mi gin bende ne giweya, kendo ne gidhi gidwanyore ka dhako moweyo chwore to dwanyore gi chwo mamoko.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Jeremia 49:4

Ere gima omiyo usungoru, un joma andhokegi, to tekou orumo? Ang’o momiyo uparo ni un rateke, kendo ni onge ng’ama dihedhre monjou?

Jeremia 7:24

To ne ok gidewa, bende ne ok giwinjo wachna. Ne gisiko ka gitimo timbe mag wichkuot, kendo kar dhi nyime, to ne gidok chien.

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Hosea 4:16

Jo-Israel tokgi tek mana ka tok kanyna. Kuom mano, ere kaka dapidhgi maber ka rombe manie lek momew?

Hosea 8:5

Asedagi nyaroya mar dhahabu ma jo-Samaria lamo, kendo mirimba ng’ang’ni kuomgi. Koro pod gidwaro ni mondo akumgi nyaka karang’o?

Zekaria 7:11

To ne gidagi, mi giloko ng’egi ka gidino itgi, mondo mi kik giwinj wachna.

Kwan 16:30

To ka Ruoth Nyasaye otimo hono, mi bur obarore matut, kendo piny ong’amo dhoge momwonyogi kaachiel gi mwandugi duto, mi gidhi e bur ka gingima, eka unung’e ni ne gichayo Ruoth Nyasaye.”

Mathayo 1:21

Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,