Jeremia 31:20 - MUMA MALER 2015

²⁰ To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Motingʼo Loko Manyien

²⁰ Donge Efraim en wuoda makende, nyathi ma amor godo? Kata obedo ni awuoyoga kuome marach, to pod apare. Emomiyo chunya ywage,” an-gi kech kuome, Jehova Nyasaye owacho.

Jeremia 31:20 ပူးပေါင်းရင်းမြစ်များ

Chakruok 43:30

Eka Josef noa kanyo piyopiyo nikech siwuori mar hera nomake gi owadgino. Pi wang’e ne chiegni ton, omiyo nodhi e ode ma iye, moywak kuno.

1 Ruodhi 3:26

To dhako mane nyathine ngima nohero wuode ahinya, omiyo nosayo ruoth, kowacho niya, “Yaye ruoth, mi dhani nyathi mangima, to kik inege ngang’!” To dhako machielo nowacho ni, “Ok enobed mara kata mari. Poge apoga!”

Zaburi 103:13

Ruoth Nyasaye ohero joma oluore, mana kaka wuoro ohero wuode.

Ngeche 3:12

nikech ng’ama Ruoth Nyasaye ohero ema ochiko, mana kaka wuoro chiko wuode mohero.

Wer Mamit 5:4

Jaherana ne osoyo lwete gi e otuch manie dhoot, mi awinjo ka denda duto tetni.

Isaya 16:11

Kuom mano, chunya ywago jo-Moab gi jo-Kirhereseth, mana ka ng’ama goyo thum e liel.

Isaya 30:18

To kata kamano, Ruoth Nyasaye pod dwaro ng’wononu, kendo ogombo ahinya mondo okechu, nimar en Nyasaye ma jaadiera. Mano kaka jogo duto mogeno kuome gin johawi!

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Isaya 63:15

A Ruoth Nyasaye, rang piny gie polo mondo ine. Ee, rang piny gi kuma ler ma idakie gi duong’. Tinde ere hera matut ma yande iherowago cha? Koso ere tekoni kod kinda mane in go chon?

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Jeremia 33:26

to eka anyalo ketho singruok mane atimo gi nyikwa Jakobo kendo gi Daudi jatichna, ni anaket nyakwar Daudi moro obed ruodh nyikwa Ibrahim gi Isaka kod Jakobo. Adier, abiro timonigi ng’wono mi gichak gidhi nyime maber.”

Jeremia 48:36

“Kamano chunya ywago jo-Moab kod jo-Kirheres mana ka ng’ama goyo tung’ e liel, nikech mwandugi duto oselal.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Tim jo-Lawi 26:44

“Kata kamano, ka gin e piny wasikgi, to ok nawitgi, kendo ok najwang’gi kata tiekogi chuth, mi aketh singruok mane atimo kodgi, nimar an e Ruoth Nyasaye ma Nyasachgi.

Luka 15:24

nikech wuodani ne osetho, to koro ongima kendo ne olal, to koro onwang’e.’ Kamano ne gichako timo nyasi ka gimor.

Luka 15:32

To owinjore wachiem kendo wabed mamor, nikech owaduni yandi otho, to koro ongima, kendo yande olal, to koro onwang’e.’ ”

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Jo-Filipi 1:8

Nyasaye ong’eyo ni awacho adier ni hera matut ma aherougo oa mana kuom Yesu Kristo owuon.

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.