Jeremia 31:2 - MUMA MALER 2015

² “Ne atimo ng’wono e thim ni joma ne otony ma ok otho e lweny. Jo-Israel ne gombo yudo yueyo,

Motingʼo Loko Manyien

² Ma e gima Jehova Nyasaye wacho: “Jogo motony e ligangla noyud ngʼwono e piny motimo ongoro; anabi mondo ami Israel yweyo.”

Jeremia 31:2 ပူးပေါင်းရင်းမြစ်များ

Zaburi 78:52

Joge owuon to nogolo oko e piny Misri, mi otelonigi e thim kaka jakwath telo ni jambe.

Zaburi 95:11

Mirima ne omaka, mi akuong’ora ni, ‘Ok ginidonj e piny mane adwaro miyogie yueyo.’ ”

Wuok 1:16

“Ka ucholo mond jo-Hibrania, mi uneno ka dhako moro onywolo nyathi ma wuowi, to neguru nyathino. To ka en nyathi ma nyako, to kik unege.”

Wuok 1:22

Bang’e Farao nochiko joge duto niya, “Nyithindo ma chwo duto ma jo-Hibrania onywolo, mondo uwit e aora Nael, to nyiri uwe odongi.”

Wuok 12:37

Jo-Israel nochako wuoth Rameses kochomo Sukoth. Ne gin ji alufu mia auchiel ka ok okwan mon gi nyithindo.

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Wuok 33:14

Ruoth Nyasaye nodwoke niya, “Abiro dhi kodi an awuon, kendo anamiyi kue.”

Wuok 5:21

mi giwachonigi niya, “Nyasaye mondo one gima usetimo, kendo okumu kuom miyo Farao gi jodonge bedo mamon kodwa. Useketo ligangla e lwetgi mondo ginegwago!”

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Ezekiel 20:35

Anateru e Thim Ogendini, mi ayalu kuno mana e wang’u kuneno!

Hosea 11:4

Ne akelogi ira gi hera mogundho. Ne akwanyogi piny mi atenogi e lemba, kendo ne akulora, mi amiyogi chiemo.

Kwan 10:33

Ne giwuok ka gia e god Ruoth Nyasaye, mi giwuotho kuom ndalo adek, ka Sandug Muma mar Ruoth Nyasaye otelo nyimgi mabor ma dirom wuodh odiechieng’ achiel, mondo omanynigi kama ginyalo bworoe.

Kwan 14:20

Ruoth Nyasaye nodwoko Musa niya, “Koro asewuoyonigi kaka ikwaya.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Rapar mar Chik 1:30

Ruoth Nyasaye ma Nyasachu e jatendu, kendo en ema obiro kedonu, mana kaka nokedonu e Misri cha.’

Rapar mar Chik 1:33

mane telo nyimu mondo ong’inu kuonde mane unyalo bworoe. Gotieno notelo nyimu kobet ei mach, mondo onyisu kuma onego uluw, to godiechieng’ notelonu kobet e bor polo.

Rapar mar Chik 12:9

Usebedo kutimo kamano nikech pok uchopo kar yueyo, ma en piny ma Ruoth Nyasaye ma Nyasachu miyou ka mwanduu.

Rapar mar Chik 2:7

nimar Ruoth Nyasaye ma Nyasachu oseguedhou kuom gik moko duto ma usetimo. Oseritou ka uwuotho e thim malichni. Kuom higni piero ang’wen-gi duto Ruoth Nyasaye ma Nyasachu osebedo kodu, kendo onge gima usechando.” ’

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Joshua 1:13

“Paruru gima Musa jatich Ruoth Nyasaye nochikou, kowacho niya, ‘Ruoth Nyasaye ma Nyasachu nomiu pinyni mondo obed kar daku.’