Jeremia 31:15 - MUMA MALER 2015

¹⁵ Ruoth Nyasaye wacho niya, “Dwol winjore e dala mar Rama, en nduru gi ywak malit, Rahel ywago nyithinde, kendo ok onyal hore nikech gisetho giduto.

Motingʼo Loko Manyien

¹⁵ Ma e gima Jehova Nyasaye wacho: “Dwol winjore Rama, ka goyo nduru, kendo ywak malich, Rael ywago nyithinde kendo odagi ni ok nyal hoye, nikech gisetho.”

Jeremia 31:15 ပူးပေါင်းရင်းမြစ်များ

Chakruok 35:19

Kamano Rahel notho, moyike but yo madhi Efrath, ma tinde iluongo ni Bethlehem.

Chakruok 37:35

Yawuote gi nyige duto notemo hoyo chunye, to nodagi hore. Nowacho niya, “Abiro ywago wuoda nyaka atho alu bang’e.” Kamano e kaka Jakobo noywago Josef wuode.

Chakruok 42:13

Eka ne giwachone niya, “Ruoth, wan owete apar gariyo ma yawuot ng’at achiel e piny Kanaan. Owadwa ma chogo odong’ gi wuonwa dala, to owadwa moro nolal.”

Chakruok 42:36

Jakobo wuon-gi nowachonigi niya, “Usemaya nyithinda! Josef nolal, kendo Simeon bende koro oselal, to koro eka pod udwaro kawo Benjamin! To an ema ayudo chandruok!”

Chakruok 5:24

Bang’ wuotho gi Nyasaye kamano, ne ok ochak onene kendo, nikech Nyasaye nokawe.

Ayub 7:21

In donge diwenae richona? Koso ok ding’wonnae timbena maricho? Piyopiyo nono, abiro nindo e liel, kendo ka imanya, to ok niyuda.”

Zaburi 37:36

to achien, kane akadho kanyo, ne ok anene. Ne amanye matek, to ne ok ayude.

Zaburi 77:2

E kinde mane anie chandruok to ne alamo Ruoth. Otieno duto ne ating’o bedena malo, ka alemo, to chunya ne ok nyal yudo kue.

Isaya 10:29

gisebiro gi yo maluwo Maabara, mi gibworo Geba. Jo-Rama kibaji goyo, kendo jo-Geba, dala Saulo, kihondko omako.

Isaya 22:4

Mano emomiyo awacho niya, “Weuru ng’iya! Weuru aweya, aywag malit! Kik utem kueyo chunya, nikech jowa oserumo.”

Jeremia 10:20

Hembewa osekethore chuth, kendo tonde mane otuegigo osechot. Yawuotwa duto osea modhi mabor, koro onge ng’ama odong’ ma dichak gurnwa hembewa, bende onge ng’ama nyalo lieronwa rageng’ni maggi.”

Jeremia 40:1

Ruoth Nyasaye nowuoyo gi Jeremia kane Nebuzaradan jatend lweny maduong osegonye Rama. Nosetere kuno kotueye gi nyororo kaachiel gi jomoko duto mane ogol Jerusalem gi Juda, kitero e tuech Babulon.

Ywagruok 5:7

Kwerewa notimo richo mathoth, kendo koro gionge, to wan ema koro ikumowa nikech richogigo.

Ezekiel 2:10

Ne oyaro kalatasno, mi aneno ka weche mag ywak gi kuyo kod masiche ondik e iye kendo e dieng’eye.

Joshua 18:25

to bende ne gin gi Gibeon, gi Rama, gi Beeroth,

Jong’ad Bura 4:5

Nothoro bet e tiend yadh othidhe man e kind Rama gi Bethel e piny gode mag Efraim. Yadhno niluongo ni yadh Debora. Jo-Israel ne dhi ire mondo ong’adnigi bura kanyo.

1 Samuel 7:17

To bang’e nodoknga Rama, kuma dalane ne nitie. Kuno bende nong’adoe buche jo-Israel, kendo nogeroe kendo-mar-misango ni Ruoth Nyasaye.