Jeremia 31:14 - MUMA MALER 2015

¹⁴ Abiro miyo jodolo gundh gi chiemo mabeyo moloyo, kendo joga noyud gik moko duto ma gichando. An Ruoth Nyasaye ema awacho kamano.”

Motingʼo Loko Manyien

¹⁴ Anami jodolo gik mathoth mongundho, kendo joga nopongʼ, gi chiwo mara mabup,” Jehova Nyasaye owacho.

Jeremia 31:14 ပူးပေါင်းရင်းမြစ်များ

2 Weche mag Ndalo 6:41

A Ruoth Nyasaye, mi jodoloni obed joma owar adier, kendo jogi molwori mondo obed mamor nikech iguedhogi.

Nehemia 10:39

Jo-Israel gi jo-Lawi nyaka kel mich mag cham gi mag divai gi mag mo e udi mikanoe gik mitiyogo e Hekalu, kendo kama jodolo gi jorit dhorangeye gi jower odakie. Ok wanajwang’ Od Nyasachwa.”

Zaburi 107:9

Ng’ama riyo oloyo, ne omiyo pi modho, mi orome. Ng’ama odenyo to nomiyo oyieng’ gi gik mabeyo.

Zaburi 132:16

Anami jodolo mage bedo joma kare, kendo joge nower, ka goyo mahu gi mor.

Zaburi 132:9

Onego jodolo bed joma kare, kendo jogi duto onego ogo mahu gi mor.

Zaburi 17:15

An to, ananeni nikech in ng’at makare, kendo ka achiew, to chunya nopong’ gi ilo, nikech ananwang’ ka in koda.

Zaburi 36:8

Gichamo chiemb odi mogundho mi giyieng’, kendo imiyo gimodho e aora mar berni.

Zaburi 63:2

Kuom mano, we aneni e kar dakni maler, mondo aneye tekoni gi duong’ni.

Zaburi 63:5

Chunya nobed mamor mana ka ng’ama ochamo ondhudho kod mo, moyieng’, kendo napaki ka awer gi mor.

Zaburi 63:6

Ka anindo e kitandana, too in ema apari. Ee, otieno duto aparo mana in,

Zaburi 65:4

Joma iyiero mondo obi odag e odi maler gin johawi. Gik mabeyo manie odi biro romowa. Gin gik moguedhi mag Hekalu magi maler.

Zaburi 85:13

Tim makare biro telo e nyim Ruoth Nyasaye, kendo biro losone yo mondo oluw.

Zaburi 90:14

Pong’ chunywa gi hera mosiko okinyi kokinyi, mondo wawer kendo wabed mamor kuom ngimawa duto.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Jeremia 31:25

Anaduog chuny joma ool, kendo ng’ato ang’ata ma kech ohewo anami chiemo.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Ezekiel 34:14

Anawe gikwa gi kue e lege mae gode gi holni, kendo e lege duto mabeyo manie piny Israel.

Hagai 2:19

Adier, chakre kawuono paruru matut mondo une ane ka pod cham dibed matin, kata kapod mzabibu gi komamanga kod zeituni ok dinyag olemo. Ooyo, ok nobed kamano, nikech chakre kawuono abiro guedhou.”

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

Jo-Efeso 3:19

Adier, akwayo mondo ung’e herane modhiero rieko duto ng’eyo, mondo Nyasaye opong’ chunyu chuth gi gik moko duto momiyo ubedo kaka en.

Rapar mar Chik 33:23

Kuom jo-Naftali to nowuoyoe niya, “Dhood Naftali nigi gik moko duto modwaro, kendo en gi gueth mogundho, moa kuom Ruoth Nyasaye. Bende opogne nam Galili kod dho wedhe ma milambo.”

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”