Jeremia 31:10 - MUMA MALER 2015

¹⁰ “Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Motingʼo Loko Manyien

¹⁰ “Winjuru wach Jehova Nyasaye, yaye ogendini, kendo landeuru e kuonde maboyo manie dho nembe: ‘Ngʼama nokeyo jo-Israel nochokgi, kendo enorit rombe kaka jakwath.’

Jeremia 31:10 ပူးပေါင်းရင်းမြစ်များ

Chakruok 10:5

Kuomgi ema ogendni modak e dho nembe kod chulni nojakoree kadhi e pinjegi giwegi, kuma dhoot ka dhoot, kendo oganda ka oganda wachoe dhogi.

Zaburi 147:2

Ruoth Nyasaye chako gero Jerusalem kendo. Oduogo jo-Israel mane oter e tuech,

Zaburi 23:1

Ruoth Nyasaye ee jakwadha, kuom mano ok anyal chando gimoro.

Zaburi 72:10

Ruodhi mag Spania kod mag pinje manie dier nam nogolne osuru, kendo ruodhi mag Arabu gi mag Ethiopia bende nokelne mich.

Ngeche 27:23

Rit jambi maber gi rieko kaka inyalo,

Isaya 24:14

Ji biro ywak matek yo podho chieng’, ka gikok niya, “Mano kaka duong’ mar Ruoth Nyasaye ng’ongo!

Isaya 27:12

Chieng’no Ruoth Nyasaye nochoku un jo-Israel, achiel achiel, chakre aora Yufrate nyaka aora Nael, ka gima ookwanyo olemb yath moyiengi.

Isaya 40:1

Nyasachu wacho kama: “Houru chuny joga! Hogiuru!

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 41:1

Un pinje mae dhonembe, kod chulni chikuru itu, ka uling’ thi e nyima. Ogendini mondo obi abia! Gibi abia machiegni mondo giwuo ane. Waduto wanadonj kaachiel kama ing’adoe bura.

Isaya 42:10

Weruru ni Ruoth Nyasaye wer manyien, kupako nyinge e piny duto. Un mukwang’ e nam, pakeuru kaachiel gi gik manie nam.

Isaya 42:4

Ok nochwanyre kata chunye ok nonyosre to enokel adiera e piny, kendo pinje manie dhonembe rito mondo chikne obi.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 54:7

Chutho, ne ajwang’i kuom kinde manok, to koro abiro dwoki dala gi hera matut.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Isaya 66:19

eka anatim ranyisi e kindgi. Bang’e anaor jogi moko motony ir ogendini ma pok owinjo humba, kata pok oneno duong’na maler, mi ginilandnigi duong’na maler. Ogendnigo gi jo-Tarshish, gi jo-Put, gi jo-Lud gi jo-Meshak, gi jo Rosh gi jo-Tubal kod jo-Javan, kaachiel gi joma odak e dhonembe kod chulni man kuonde maboyo.

Jeremia 23:4

Anaketnigi jotelo ma noritgi maber, mi onge gima nobwoggi kata ma nomi gibed maluor, bende onge ng’ato kuomgi ma noyud kolal. An Ruoth Nyasaye ema awacho kamano.’

Jeremia 25:22

gi ruodhi duto mag pinje mae dhonam Mediterania,

Jeremia 3:15

Abiro ketonu jotelo moluora, kendo gibiro ritou gi rieko kod winjruok maber.

Jeremia 50:17

“Jo-Israel chalo gi rombe ma sibuoche lawo kendo keyo. Mokwongo ruodh Asuria ema nomonjogi, mochamogi ka sibuor machamo le. Eka bang’e ruoth Nebukadnezar nobiro momuodo chokegi.

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Ezekiel 11:16

To koro in Ezekiel, nyis jou moter e tuech ni an Ruoth Nyasaye, awacho ni kata obedo ni ne akeyogi e pinje mamoko mondo gidag e kind ogendini man maboyo, to kindeni ayie mondo gilama e pinje ma gintiego.

Ezekiel 20:34

Adier, ka agolou e pinje mane akeyoue, mi achokou kanyakla, to abiro nyisou tekona maduong’ kod mirimba mager!

Ezekiel 34:12

mana kaka jakwath rito rombene mane olal moke, to ochako onwang’o. Abiro duogogi kagologi kuonde duto mane gikee, chieng’ masira mane piny otimo mudho.

Ezekiel 37:24

Jatichna Daudi ema nobed ruodhgi. Kamano giduto giniriwre e bwo ruoth achiel, mi gimak chikena.

Ezekiel 5:10

Kuom mano, wuone nocham nyithindgi, to nyithindo bende nocham wuonegi Jerusalem.

Ezekiel 5:2

Ka kinde migoyoe ageng’a oserumo, to nyaka iwang’ achiel kuom adek mar yiergo ewi matafari mochung’ kar Jerusalemno. To achiel kuom adek machielo, ng’adi gi ligangla e alwora mar matafarino. Achiel kuom adek modong’ to witi mondo yamo odhigo, nikech anawuodh liganglana alawgo joga.

Daniel 11:18

Bang’ mano nomonj ogendini modak e dho nam, mi olo pinjegi mang’eny. To jatelo moro moa e piny machielo noloye, mi tiek sungane chuth.

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Mika 2:12

“To un jo-Israel modong’ abiro chokou kanyakla mana ka rombe manie abila, kata ka kweth manie lek. Koko nogore e pinyu nikech ng’eny mar ji.

Mika 4:6

Ruoth Nyasaye wacho niya, “Kinde biro ma abiro chokoe joma ne akumo, tiende ni joma ne oter e tuech mi othagore.

Mika 5:4

To wuowino nobi, mi nobed jatend joge, koritogi gi teko kod duong’ moa kuom Ruoth Nyasaye. Joge nodag maber, nikech ji duto manie piny noyie lochne,

Zefania 2:11

To Ruoth Nyasaye biro thinyore mondo okumgi marach! Obiro nego nyiseche duto mag piny gi kech, mi ji duto modak e pinje mae dhonembe kod chulni nokulre ka lame, ng’ato ka ng’ato e dalane.

Zefania 3:19

Winjuru! Ka kindeno ochopo, to anakum joma thirou. Anakony rang’onde, kendo anachok joma oke, mi alok wichkuot mane joga nigo obed pak gi huma e piny ngima.

Zekaria 10:8

“Abiro luongogi gi liyo mondo achokgi, mi ginibed mang’eny mana kaka ne gin chon.

Zekaria 2:6

Ruoth Nyasaye wacho niya, “Ne akeyou e tunge ang’wen mag piny, to koro auru, uring ua e piny ma yo nyandwat.

Zekaria 9:16

Kamano Ruoth Nyasaye ma Nyasachgi nores joge chieng’no mana kaka jakwath reso jambe, kendo enoketgi e pinye mana ka kite ma nengogi tek miketo e osimbo mar duong mondo omil.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Johana 10:27

Romba ong’eyo dwonda, kendo an bende ang’eyogi, kendo giluwo bang’a.

Johana 11:52

To ne ok okoro ni Yesu biro tho mana ne jo-Yahudi kende, to ni obiro tho mondo ochok nyithind Nyasaye obed e kanyakla achiel.

Rapar mar Chik 30:4

Kata obedo ni osekeyou e tung’ piny gi tung’ piny kamano, to nochak ochoku kaachiel kendo.

Rapar mar Chik 32:26

Naparo ni mondo ang’adgi matindotindo, kendo atiekgi ma ok nochak opargi.