Jeremia 30:20 - MUMA MALER 2015

²⁰ Abiro dwokonigi tekogi machon, mi achak agur ogandagi motegno, to anakum ji duto mathirogi.

Motingʼo Loko Manyien

²⁰ Nyithindgi nochal kaka e ndalo machon, kendo anagur anywolagi motegno, mi anakum jogo duto ma thirogi.

Jeremia 30:20 ပူးပေါင်းရင်းမြစ်များ

Zaburi 102:18

Nyaka ndik gik ma Ruoth Nyasaye osetimo, mondo joma biro mapok onywol, chieng’ moro opake.

Zaburi 102:28

Kuom mano, nyithindwa nodag gi kue, kendo pile inirit nyikwagi.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 51:22

Ruoth Nyasaye ma Nyasachi kendo ma Ruodhi, ma chwako joge e bura, owacho kama: “Ng’e ni agolo kikombe mamero ji e lweti, mi ok nichak imethi e kikombe mar mirimbano, nikech aweyo kumi.

Isaya 54:14

Enogeri e mise mar tim makare, kendo inibed mabor gi kuonde mithiroe ji, omiyo ok nibed maluor, bende nibed mabor gi masiche, mi ok ginisud machiegni kodi.

Jeremia 2:3

E ndalogo un jo-Israel nubedo joga awuon, kendo nuchalona mana cham ma okwong dumbo. Nakumo ji duto mane dwaro hinyou, kendo ne akelonigi chandruok. An Ruoth Nyasaye ema awacho kamano.”

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Ywagruok 5:21

A Ruoth Nyasaye, duogwa iri mondo waduog iri. Yie mondo wabedi kaka ne wabet chon.

Zekaria 10:6

Abiro miyo jo-Juda bed marateke, kendo abiro miyo jo-Israel locho. Bende anachak aguedhgi, nikech asekechogi, mi ginichal ka gima ne ok ajwang’ogi, nikech an Ruoth Nyasachgi, kendo abiro dwoko kwayogi.

Zekaria 10:8

“Abiro luongogi gi liyo mondo achokgi, mi ginibed mang’eny mana kaka ne gin chon.

Zekaria 8:5

Bende yawuowi gi nyiri nopong’ wang’yore mag dala ka tugo.