Jeremia 30:19 - MUMA MALER 2015

¹⁹ Ji modak kuondego nower wende pak, kendo ginikogi gi ilo. Anami ginya mathoth, ma ok gidok chien, kendo anami giyud pak, ma onge ng’ama chayogi.

Motingʼo Loko Manyien

¹⁹ Jogi nodwok erokamano ka giwer kendo ka gikok gi mor. Anamed kwan mag-gi, kendo ok ginidog chien; mi anamigi duongʼ, kendo ok nokawgi matin.

Jeremia 30:19 ပူးပေါင်းရင်းမြစ်များ

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Nehemia 8:12

Kuom mano ji duto nodhi mondo ochiem kendo omethi, kendo opog chiemo ni joma moko, kendo otim sawo gi mor maduong’, nikech ne gisewinjo gima opuonjgi.

Nehemia 8:17

Kamano ji duto ma noduogo koa e tuech noloso kiche mi odakie. To gima kamano ne pok jo-Israel otimo chakre ndalo Joshua wuod Nun nyaka ndalogo. Kuom mano ne nitie mor maduong’.

Zaburi 53:6

Mad jo-Israel yud resruok moa Sayun! Nyikwa Jakobo nobed mamor, e kinde ma Ruoth Nyasaye nochak omi joge dhi nyime maber. Ee, jo-Israel nobed moil!

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Isaya 26:15

A Ruoth Nyasaye, inimed ogandawa. Ee, inimede kiyaro tong’ pinywa mondo nyingi oyud duong’.

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Isaya 52:9

Un kuonde mokethore mag Jerusalem, koguru gi mor, nikech unuyud ka Ruoth Nyasaye osekecho joge, kendo owaro Jerusalem.

Isaya 55:5

Kamano un bende unuluong ogendini ma ok ung’eyo mondo obi, mi ogendini ma ok ong’eyou noring ka biro iru, nikech Ruoth Nyasaye ma Ng’ama Ler mar Israel, osemiyou duong’.

Isaya 60:19

Wang’ chieng’ ok nochak obedni ler mar odiechieng’, kata due ok nochak orienyni gotieno, to Ruoth Nyasaye ema nobedni ler mosiko. Nyasachi nobedni duong’ maler.

Isaya 60:22

Ji manok nolokre gana apar, kendo oganda matin nolokre oganda maduong’. An Ruoth Nyasaye anami gino timre piyopiyo nono, ka kindene ochopo.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Jeremia 17:26

Ji nobi koa e miech Juda kod mier mokiewo gi Jerusalem. Bende ji moa e piny Benjamin nobi kaachiel gi joma odak e tiend gode, gi ewi gode, kod e piny Negeb. Ginikel misengni miwang’o pep gi misengni mag cham kod ubani, kaachiel gi misengni mag erokamano gi misengni mamoko e Hekalu mara.

Jeremia 3:16

Bang’e kusemedoru kendo unya, to ji ok nochak owuo kuom Sandug Muma mar Ruoth Nyasaye kendo. Ok unupare, kendo ok unudware, bende ok unulos moro machal kode.

Jeremia 31:27

“An Ruoth Nyasaye awacho ni kinde biro ma ji gi jamni nonya mang’eny e piny Israel gi Juda.

Jeremia 31:4

Jo-Israel, abiro chako gerou, kendo ubiro tueyo gara, mi umiel gi ilo.

Jeremia 33:22

Abiro miyo nyikwa Daudi jatichna kod jodolo ma jo-Lawi ma tiyona nya, mondo gibed mang’eny ma ok nyal kwan, mana ka sulue manie polo kata ka kuoyo mae dhonam.”

Ezekiel 36:37

“An Ruoth Nyasaye amedo wacho niya, ‘Abiro timo gik moko madongo kata moloyo mago. Abiroo yie jo-Israel okwaya mondo akonygi, mi ami ginya mathoth mana ka kueth rombe.

Ezekiel 37:10

Kuom mano, ne akoro wach mana kaka ne osewachona, eka muya nodonjo kuom joma othogo, mi gidoko ji mangima, kendo gichung’ gi tiendegi. Ne gin ji mang’eny, moromo bedo oganda lweny mang’ongo.

Ezekiel 37:26

Abiro timo kodgi singruok mochwere makelonigi kue. Anami gimedre, mi aket Hekaluna e pinygi, kendo nobed kuno nyaka chieng’.

Zekaria 10:8

“Abiro luongogi gi liyo mondo achokgi, mi ginibed mang’eny mana kaka ne gin chon.

Zekaria 12:8

“Chieng’no an Ruoth Nyasaye nabed okumba ni jo-Jerusalem, mi kata mana ng’ama yomyomie moloyo kuomgi nobed motegno ka Daudi, kendo joka Daudi nobed jotend ji mana kaka Nyasaye kata malaika mare.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Zekaria 8:19

“Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Johana 17:22

Asemiyogi duong’ mane imiya, mondo gibed achiel kaka wan bende wan achiel,

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.