Jeremia 30:16 - MUMA MALER 2015

¹⁶ Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Motingʼo Loko Manyien

¹⁶ “ ‘To jogo duto motiekou notieki; wasiku duto noter e twech. Jogo momayou nomagi; jogo moketonu obadho anaketnegi obadho.

Jeremia 30:16 ပူးပေါင်းရင်းမြစ်များ

Zaburi 129:5

Mad lo jogo duto ma mon gi Sayun, mi riembgi ka wigi okuot, kendo dwokgi chien!

Wuok 23:22

To ka uwinjo wachne, mutimo duto mawachonu, to anakednu gi wasigu, kendo anathag joma thagou.

Ngeche 22:23

nimar Ruoth Nyasaye nochwak joma kamago, kendo nokum ng’ato ang’ata ma yakogi.

Isaya 14:2

Ogendini nodwuok jo-Israel thurgi, kuma ne giaye, mi jo-Israel nolok ogendnigo wasumbgi e piny Israel, ma Ruoth Nyasaye oseyiero. Jo-Israel nomak joma nomakogi, mi giti joma notiyogi.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 54:15

Ka ipo ni ng’ato omonji, to ok nakonye. Adier, ng’ato ang’ata momonji norum, nikech aheri.

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Jeremia 10:25

Ol mirimbi kuom ogendini ma ok oyie kuomi. Ee, kech kod jogo ma ok lami! Gisenegowa, wan nyikwa Jakobo, mi gitiekowa duto, kendo giketho pinywa.”

Jeremia 12:14

Ruoth Nyasaye wacho niya, “An gi gima adwaro wacho kuom ogendini maricho mokiewo gi jo-Israel. Abiro pudhogi oko e pinygi ka yien mipudho, mi nares jo-Juda kuomgi.

Jeremia 2:3

E ndalogo un jo-Israel nubedo joga awuon, kendo nuchalona mana cham ma okwong dumbo. Nakumo ji duto mane dwaro hinyou, kendo ne akelonigi chandruok. An Ruoth Nyasaye ema awacho kamano.”

Jeremia 25:12

To bang’ mano, anakum ruodh Babulon kaachiel gi joge kuom richogi. Anaketh pinygi, mi osik kokethore nyaka chieng’. An Ruoth Nyasaye ema awacho kamano.

Jeremia 30:15

Ere gimomiyo uywagoru ni rem ma un-go, to ok unyal chango. Asekumou kamano nikech richou ng’eny, kendo nikech timbeu maricho lich.

Jeremia 50:28

(Joma noringo motony koa Babulon nobiro Sayun monyisowa kaka Ruoth Nyasachwa nochulo ni jo-Babulon kuor kuom gima ne gitimo ni Hekalune.)

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Ywagruok 1:21

Winj kaka achur, to onge ng’ama kue chunya. Kane wasika duto owinjo chandruok ma an go, ne gidoko mamor kuom gima nitimo. To kel odiechieng’ mane isechiko, mondo gin bende gichal koda.

Ywagruok 1:22

We mondo richogi duto okel e nyimi, kendo itimnigi mana kaka isetimona kuom richona duto, nikech achur malich ahinya, kendo chunya ool chuth.”

Ezekiel 29:6

Eka jo-Misri duto nong’e ni an e Ruoth Nyasaye.” Ruoth Nyasaye nochako owachona niya, “Jo-Israel nogeno kuomu ni dukonygi, un jo-Misri, to unyap mana ka odundu.

Ezekiel 35:5

“Ne umako sadha mosiko gi jo-Israel, mi umiyo oneggi e kinde mane masira omakogie, kikumogi mogik kuom richogi.

Joel 3:8

Abiro miyo jo-Juda ng’iewo yawuotu gi nyiu, kendo giniusgi ni jo-Sabea, modak kuma bor ahinya. An Ruoth Nyasaye ema awacho kamano.”

Mika 4:11

Ogendini mathoth osechokore mondo omonju, ka wacho niya, “Jerusalem nyaka kethi! Wadwaro nenogo kokethore, mondo wagone siboi!”

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.

Nahum 1:8

kendo oresogi e ohula ma raywoyi. Joma opiem kode to otieko chuth, kendo oriembogi koterogi e mudho.

Habakuk 2:16

To un bende duong’ ma un go biro lokore wichkuot, nikech ubiro madho kikombe ma mirimb Nyasaye opong’o mi ukwang’. Ee, Nyasaye biro kumou malit mi unubed gi wichkuot marach kar duong’ mane un-go.

Zefania 2:8

“Asewinjo ayany ma jo-Moab yanyogo joga gi ajara ma jo-Amon jarogigo, bende aseneno kaka gidonjo e lop joga manie tong’gi.

Zekaria 1:14

Kuom mano, malaikano nowachona niya, “Dhiyo inyis ji ni weche Ruoth Nyasaye Manyalo Gik Moko Duto e magi: ‘Hera maduong’ ma aherogo Jerusalem gi Sayun miya mirima.

Zekaria 1:15

Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Zekaria 12:2

“Anami Jerusalem chal gi agwata mar kong’o, ma ogendini mokiewo kode biro madho, mi kwang’ ka joma omer. Ka ogendinigo goyo ni Jerusalem ageng’a, to miech Juda bende giniluor.

Zekaria 14:2

Enochok ogendini duto mondo oked gi Jerusalem, kendo dalano nokaw, mi mwandu manie udi noyaki, bende mon nomak gi thwon. Bath dala konchiel noter e tuech, to bathe komachielo nowe mana kanyo.

Zekaria 2:12

Eka unung’e ni kara Ruoth Nyasaye Manyalo Gik Moko Duto ema ne oora iru. Ruoth Nyasaye biro chako kawo piny Juda kendo ka mare owuon e piny maler mi ochak otim Jerusalem dala moyiero.

Zekaria 2:8

Ruoth Nyuasaye Manyalo Gik Mooko Duto oherou malich ahinya, ma ka ng’ato mulou, to ng’atno soko mana wang’a owuon. Emomiyo Ruoth Nyasaye mane oora gi ote maduong’ ir ogendini ma noyakou owacho kama:

Rapar mar Chik 30:7

Bang’e Ruoth Nyasaye ma Nyasachu nolok kuong’go duto ni wasiku, kendo ni joma sandou.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

1 Samuel 17:53

Kane jo-Israel oduogo koa riembo jo-Filistia, ne giyako kambigi.