Jeremia 30:14 - MUMA MALER 2015

¹⁴ Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Motingʼo Loko Manyien

¹⁴ Joma ne osiepeni duto wigi osewil kodi; kendo ok gidewi. Asegoyi mana ka jasigu kendo kumi mana ka ngʼama kwiny, nikech ketho mari duongʼ kendo richoni ngʼeny.

Jeremia 30:14 ပူးပေါင်းရင်းမြစ်များ

Ayub 16:9

Nyasaye jako bedena gi embena ka en gi mirima mager, kendo ojwolona wang’e, ka osin koda.

Ayub 19:11

Nyasaye osekecho koda malich, kendo omon koda mana ka jasike.

Ayub 30:21

Ilokori jasika, kendo isanda gi tekri duto.

Zaburi 107:17

Joma moko ne tuo nikech richogi. Adier, ne githagore nikech timbegi mamono.

Isaya 57:13

Nyisecheni manonogo ok nokonyi ka iywak. Adier, onge nyasaye moro amora ma noresi. Yamo notergi mabor giduto. Ee, kata mana muya matin nono nokudhgi, mi tergi mabor. To joma oloka kar konyruokgi nokaw piny, kendo goda maler nobed mwandugi.

Jeremia 14:17

“In Jeremia, wach ni ji kama: ‘Pi wang’a mondo omol odiechieng’ gotieno! Onego kik awe ywak nimar joga osego matek, mi ohinyore malit.

Jeremia 2:36

Ere gima omiyo uloko parou ka ok udewo? Jo-Misri mugeno kuomgi ok nokonyu, mana kaka jo-Asuria bende ne ok okonyou.

Jeremia 22:20

Un jo-Jerusalem, dhiuru e got Lebanon, mondo ukogi, kendo dhiuru e piny Bashan mondo uywagi. Ywaguru gie gode mag Abarim, nikech joma uriworugo oselo.

Jeremia 22:22

Jotendu, yamo ema biro tero. Joma uriworugo ibiro kawo mi ter e tuech. Bang’e unuyud wichkuot kendo nog’eng’u nikech timbeu maricho.

Jeremia 30:15

Ere gimomiyo uywagoru ni rem ma un-go, to ok unyal chango. Asekumou kamano nikech richou ng’eny, kendo nikech timbeu maricho lich.

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Jeremia 32:30

Jo-Israel gi jo-Juda osebet mana ka timo gik ma amon-go, chakre tindogi, kendo gisemiya mirima gi kido manono ma giseloso.

Jeremia 32:34

Giseketo kido mag nyisechegi makuero e Hakalu mara, mi gidwanyo,

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Jeremia 38:22

to mon modong’ e od ruodh Juda ibiro gol, mi ter ni jotelo mag ruodh Babulon, kendo ka gidhi to giniwach niya, ‘Osiepe ruoth mogeno osewuonde, kendo gisebet ka gihewe gi rieko. Koro tinde osemoko e chuodho, omiyo osiepene oseweye!’ ”

Jeremia 4:30

Un jo-Jerusalem, urumo! Ere gimomiyo urwakoru gi lewni mabeyo, koso ere gima omiyo urwako stadi kendo uwiro wengeu? Ubisoru maber kayiem nono, to chodeu oseweyou, kendo koro dwaro negou.

Jeremia 44:22

Kata mana sani, pinyu okethore maonge ng’ama odakie. Oselokore gima bwogo ji, kendo giluongo nyinge ka gima okuong’, nikech Ruoth Nyasaye ne ok nyal weyo mak okumou kuom timbeu maricho.

Jeremia 5:5

Omiyo koro abiro dhi ir jotelo mondo alosgo, nimar nyaka bed ni gin ema ging’eyo yor Ruoth Nyasaye, kod gima Nyasachgi dwaro.” To kara gin bende gisedagi loch mar Ruoth Nyasaye, kendo gitamore rito chikne.

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Jeremia 50:42

Gin gi asere gi tonge. Giger kendo ok gikech ng’ato. Tiende faresegi mor ka apaka mar nam mawuo. Giikore kedo gi Babulon.

Jeremia 6:23

Gin gi aserni kod tonge, giger kendo ok gikech ng’ato; tiend faresegi mor ka apaka mar nam mawuo. Gikore kedo gi Sayun.”

Ywagruok 1:19

Ne aluongo osiepena mondo okonya, to ne giwuonda awuonda. Jodolona kod jodonga notho e dalani, ka dwaro chiemo mondo oduoggo tekregi.

Ywagruok 1:2

Oywak malit otieno duto, ka pi wang’e ridore e lembe. Kuom joherane duto, onge ng’ama nyalo kueyo chunye. Osiepene duto osendhoge, mi odoko wasike.

Ywagruok 2:1

Mano mudho mandiwa manade, ma Ruoth Nyasaye osekumogo Sayun, ka iye owang’! Hekalu mar Israel, ma duong’ne yande otundo nyaka e polo, osewito piny, chieng’ bura, ka ok oparo ni en raten tiende.

Ezekiel 23:22

To koro Oholiba, an Ruoth Nyasaye awachoni kama: Tinde iol gi chodenigo, to abiro miyo gibedo mamon kodi, kendo gibiro lwori, mi giketi diere.

Ezekiel 23:9

Kuom mano ne ajwang’e e lwet chodene ma jo-Asuria mane ogombo malichgo.

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Daniel 9:13

Ne wayudo kum duto mondiki e kitap chik Musa. To Ruoth Nyasachwa, kata sani pok watimo gimoro, ma dimi mirimbi kue, kata pok waweyo richowa, kwaluwo wachni maradier.

Daniel 9:5

Waseketho, kendo wabedo joricho kwatimo marach. Wasedagi timo gima ne ichikowa ni mondo watim, mi waweyo chikeni gi bucheni.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Hosea 5:14

An awuon abiro monjo jo-Israel gi jo-Juda mana ka sibuor mager! Abiro kidhogi matindotindo, kendo naywagi oko, ma onge ng’at ma nokonygi.

Obadia 1:7

Ogendini mane uriworugo osewuondou, mi giseriembou ua e pinyu. Joma ne ubetgo gi kue koro oseloyou, kendo osiepeu mane uchiemogo osechikonu obadho, ka giwacho kuomu niya, ‘Riekogi cha duto koro olal kanye?’ ”