Jeremia 30:13 - MUMA MALER 2015

¹³ onge ng’ama nyalo ritou, kendo adhondeu ok thiedhre, omiyo ok unyal chango.

Motingʼo Loko Manyien

¹³ Onge ngʼama nyalo chiwo kwayoni kari, kendo onge gima nyalo thiedhoni adhola, kata manyalo changi.

Jeremia 30:13 ပူးပေါင်းရင်းမြစ်များ

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Ayub 5:18

Ka Nyasaye ochwadi ma iriemo, too en ema othiedho kanyo. Ee, lwedo mohinyino ema changi.

Zaburi 106:23

Kuom mano Nyasaye nowacho ni obiro tieko joge, to Musa jatichne moyiero nochung’ e kinde gi ji, mondo ogeng’ mirimbe kik tiekgi.

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Isaya 1:6

Onge kama ngima e dendu, chakre tiendu nyaka wiu, mak mana kuonde moridhore gi kuonde moriemo kod adhonde, ma pok oketie yath, kata motue, kata mowirie mo ma dimi gichangi.

Isaya 59:16

Noneno ni onge ng’ama dikony, mi mirima mager omake. Mano omiyo ne olocho gi tekone owuon, kendo adierane ema ne okonyorego.

Jeremia 14:19

“A Ruoth Nyasaye iseweyo jo-Juda chuth koso? Adier, ichayo jo-Sayun? Ere gimomiyo isehinyowa malit kamano, ma ok wanyal chango? Ne wageno ni wabiro yudo gik mabeyo, to onge gima ber mane wayudo. Ne waparo ni ibiro changowa, to masira malit ema nopoyowa.

Jeremia 17:14

Jeremia nokwayo niya, “A Ruoth Nyasaye, changa mondo adok mangima. Resa mondo ayud kue. In ema apaki.

Jeremia 30:17

Kata obedo ni wasiku wacho niya, ‘Sayun osejwang’ kendo onge ng’ama dewe,’ to anami uchak ubed mangima, kendo anachang adhondeu.”

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Jeremia 46:11

“Un jo Misri, dhiuru e piny Gilead umanyie yath. Yedheu duto ok kony gimoro. Onge gima nyalo thiedhou.

Jeremia 6:7

Kaka pi soko bubni pile, e kaka richo Jerusalem bende osiko ka bubni. Dalano opong’ gi lweny kod masiche, kendo tuoche gi adhonde ema aneno kanyo.

Jeremia 8:22

Yath tinde orumo e piny Gilead koso? Jathieth onge kuno adier? Ere gima omiyo pok othiedh joga?

Ywagruok 2:13

Yaye Jerusalem, ere kaka daho chunyi? Ere chandruok ma dapim gi marino? Koso ang’o ma dapimgo, mondo aho chunyi, yaye Sayun? Adhondi duong’ ka nam! Ere ng’ama dithiedhi?

Ezekiel 22:30

“Asebet karango mondo ayud ng’at manyalo gero ohinga, kendo ma dichung’ kuonde ma ohinga omukoree, mondo okony piny, kik akethi gi mirimba, to ne ok anyal yudo ng’at makamano.

Ezekiel 30:21

“Wuod dhano, aseturo bad Farao, ruodh Misri, to onge ng’ama osetueyo badeno, kata mosechome mondo ochangi, obed motegno ma dochak omakgo ligangla kendo.

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Nahum 3:19

Adhondeni ok nyal chango, nimar gidhi marach. Ji duto mowinjo gima otimoreni biro pamo lwetgi gi mor, nimar onge kata ng’at achiel e piny ngima ma pok isebedo kisando.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

1 Johana 2:1

Nyithinda, andikonu wechegi mondo kik utim richo, to ka ng’ato otimo richo, to wan gi Jakony masayonwa Wuoro. En Yesu Kristo, Jal makare.