Jeremia 3:25 - MUMA MALER 2015

²⁵ Onego wanind piny ka wiwa okuot, kendo ka timbewa maricho oumowa. Wan kaachiel gi kwerewa waseketho e nyim Ruoth Nyasaye ma Nyasachwa, chakre tindowa, kendo ok wasewinjo wachne.’ ”

Motingʼo Loko Manyien

²⁵ We wanind piny e wichkuot marwa, kendo we timbewa maricho oumwa. Wasetimo richo ne Jehova Nyasaye ma Nyasachwa, wan kaachiel gi wuonewa; chakre ndalo mane wan rowere nyaka odiechiengni pod ok waluoro Jehova Nyasaye ma Nyasachwa.”

Jeremia 3:25 ပူးပေါင်းရင်းမြစ်များ

Zaburi 106:6

Wasetimo richo kaka kwerewa notimo. Adier, wasebedo joricho ma timbegi mono.

Zaburi 106:7

Kwerewa ne ok owinjo tiend honni malich, mane Nyasaye otimo e piny Misri. Wigi ne owil gi timbe mathoth mane nyiso herane, mi ne gipiem kode e Nam Makwar.

Zaburi 109:29

We wasika wigi okuodi, mi girwak wichkuot ka kandhu.

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.

Ngeche 5:13

Ne ok achiko ita ka jopuonjna wuoyo, kendo ne ok adewogi,

Isaya 48:8

Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Isaya 50:11

Winjuru, un duto joma kudho mach, kendo moko meny, mi liel. Wuothuru awuotha e ligek mach musekudho kendo e meny ma usemokono! Gima ubiro yudo e lweta e ma; Ubiro rieru piny gi rem malit kutho.

Jeremia 11:13

Jo-Juda nigi nyiseche mang’eny mana ka miechgi, kendo joma odak Jerusalem bende oseloso kende-mag-misango mang’eny, mana moromo gi yore mag dalagi, mondo gitimie misengni ni Baal.

Jeremia 12:13

Joga pidho ngano, to kuthe ema gikayo. Gisetiyo matek, to ok giyud gimoro. Pinygi otho nikech mirimba mager.”

Jeremia 14:20

A Ruoth Nyasaye, wahulo richowa kaachiel gi richo kwerewa. Adier, waseketho e nyimi.

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

Jeremia 2:17

Yaye, jo-Israel! Tim ma kamano usekelo mana kuomu uwegi! Ne uweya, an Ruoth Nyasaye ma Nyasachu, kane atelonu e yo.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Jeremia 2:26

To kaka wi jakuo kuot ka omake, e kaka un jo-Israel wiu nokuodi, kaachiel gi ruodhiu gi jodongu gi jodolo mau kod jonabi mau.

Jeremia 20:18

Ere gima omiyo ne onywola mana ni mondo ane lit gi masira, kendo atho mana gi wichkuot?”

Jeremia 22:21

Nawuoyo kodu kapod udhi maber, to ne utamoru winjo. Adier, usiko kutamoru luora chakre tindou.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 31:19

Kata obedo ni ne wabaro mi waweyi, to piyopiyo nono ne wadwaro duogo. Kane isekumowa, to ne wakulo wiwa kwakuyo. Wiwa ne okuot ka chunywa lit, nikech richo mane watimo kapod wayom.’

Jeremia 6:26

To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Jeremia 7:19

To iparo ni an Ruoth Nyasaye ema gichwanya? Ooyo, gin ema gichwanyore giwegi, kendo gikelo wichkuot kuomgi kendgi.

Jeremia 8:14

Jo-Nyasaye penjore niya, “Ere gimomiyo wabet abeta? Biuru wadhi e mier mochiel motegno wathoe, nimar Ruoth Nyasaye oseng’adonwa buch tho. Osemiyowa pi motimo kwiri mondo wamodhi, nikech timbewa osebedo maricho e nyime.

Jeremia 9:18

Gibi piyo mondo gidengnwa, nyaka wengewa pong’ gi pi wang’, mi owre nikech ywak.

Ywagruok 5:16

Osimbwa mar duong’ bende osepodho. Yaye, masira ochomowa, nikech wan joricho.

Ywagruok 5:7

Kwerewa notimo richo mathoth, kendo koro gionge, to wan ema koro ikumowa nikech richogigo.

Ezekiel 2:3

“In wuod dhano, aori ir jo-Israel ma oseng’anyo mopiem koda. Kaka kweregi nopiem koda, e kaka gin bende koro gipiem koda.

Ezekiel 36:32

To un jo-Israel, adwaro ni mondo ung’e ni ok natim gigo duto nikech un, to adwaro ni mondo une wichkuot kuom gik ma utimo. An Ruoth Nyasaye ema awacho kamano.

Ezekiel 44:13

Ok ginichak gitina kaka jodolo, bende ok ginidhi but gik maler mowalna, kendo ok ginidonj Kama Ler Moloyo. Mano e wichkuot ma ginine kuom gik maricho ma gisebedo ka gitimo.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Daniel 12:2

Ji mang’eny kuom joma osetho biro chier. Moko kuomgi nochier mi yud ngima mochwere, to moko noyud wichkuot kod achaye mosiko.

Hosea 9:10

Ruoth Nyasaye wacho niya, “Kane akuongo yudo Israel, to yudogino ne chal mana gi yudo mzabibu ma e thim. Ee, kane akwongo neno kwereu, nenogino ne chal mana gi neno ng’owo mochiek atamalo. To kane gibiro Baal-peor, ne gichako lamo kido manono makuodo wich, omiyo ne amon kodgi mana kaka ne amon gi kido manono mane giherono.

Zefania 1:17

Ruoth Nyasaye owacho niya, “Abiro kelo ni ji thagruok malich, kendo ginituomre atuoma ka muofni, nikech richo ma gisetimo e nyima. Rembgi nochuer ka pi, kendo ringregi noriere, ka tow e lowo.

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Jong’ad Bura 2:2

Omiyo un bende kik utim winjruok gi weg pinyni, to nyaka uketh kendegi mag liswa. Kata kamano ne ok uwinjo chikna kendo koro neuru gima usetimoni.