Jeremia 29:26 - MUMA MALER 2015

²⁶ ‘Ruoth Nyasaye ne oketi jadolo kar Jehoyada, kendo koro in e jatelo maduong’ e Hekalu, kuom mano, en tiji mondo ine ni ng’ato ang’ata ma janeko to wuondore ni en janabi to mondo otue gi nyororo kod chuma molworo ng’ute.

Motingʼo Loko Manyien

²⁶ ‘Jehova Nyasaye oseyieri jadolo kar Jehoyada mondo ibed jarit od Jehova Nyasaye; omiyo koro ngʼato ma janeko mawuondore ni janabi onego itwe gi nyororo kod chuma molworo ngʼute.

Jeremia 29:26 ပူးပေါင်းရင်းမြစ်များ

2 Ruodhi 11:15

Jehoyada jadolo nowacho ni jotend askeche niya, “Goleuru oko! Kik unege e Od Ruoth Nyasaye, kendo ka ng’at moro oluwe, to neguru ng’atno.”

2 Ruodhi 11:18

Mi ji duto nodhi momuko od Baal, kendo ne ginego Matan jadolo mar Baal e nyim kende mag liswago. Jehoyada noketo jorit e Od Ruoth Nyasaye.

2 Ruodhi 9:11

Kane Jehu owuok, modok ir jodong ruodhe, ne gipenje niya, “Ere wach? Janekono nobiro iri nang’o?” Nodwokogi niya, “Ung’eyo kaka ng’atno wuoyo!”

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

2 Weche mag Ndalo 18:26

Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende nyaka aduog kangima.’ ”

Jeremia 29:27

Ka kamano, to ere gimomiyo ok isekwero Jeremia ma ja-Anathoth, mosebedo kawuoyo gi ji ka gima en janabi?

Jeremia 38:28

Kuom mano nodwok Jeremia e laru mar od jorit, mi obet kanyo nyaka chieng’ mane okawie Jerusalem.

Jeremia 38:6

Kuom mano ne gikawo Jeremia, mi ginyumo e soko jaduong’ Malkia, mane nie laru mar od jorit. Sokono ne onge pi, mak mana chuodho, omiyo ne gilore piny, e iye gi tonde, mi onyumore e chuodho.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Mathayo 21:23

Kane Yesu ochako odonjo e Hekalu, jodolo madongo kod jodong oganda nobiro ire kane oyudo opuonjo, mopenje niya, “Ere teko ma in-go, momiyo itimo gik makamagi? Koso ng’ama omiyi teko mar timogi?”

Mariko 3:21

Kane owetene owinjo wachno, ne giwuok mondo gidhi giome, nikech ji ne wacho ni neko osemake.

Johana 10:20

Ji mang’eny kuomgi nowacho ni, “Jachien ni kode, kendo ojaneko! Ang’o momiyo uchiko itu ne wechene?”

Johana 10:33

To jo-Yahudi nodwoke ni, “Ok wadwar goyi nikech gimoro maber misetimo, to wagoyi mana nikech ipiem gi Nyasaye, nimar in mana dhano, to eka iwacho ni in Nyasaye!”

Johana 8:53

Koso iparo ni iduong’ moloyo wuonwa Ibrahim mane otho? Jonabi bende notho! In to iparo ni in ng’a?”

Tich Joote 16:24

Mano omiyo jarit nobologi e ot ma iye, mi otweyo tiendegi e kind lodi mag yien.

Tich Joote 26:11

Kuom ndalo mang’eny namiyo osandgi e ut lemo duto, ka atemo mondo ami giyany Yesu. Ne ager kodgi marach, mi ne adhi koda ka e mier mag pinje mamoko mondo asandgi kuondego.

Tich Joote 26:24

To kane Paulo oyudo dwoko wach kamano, Festo nokokne niya, “Paulo, neko omaki! Puonjruok mang’eny osemiyi neko.”

Tich Joote 26:25

To Paulo ne odwoke ni, “Ruoth, ok an janeko, to awacho mana weche ma adier kendo malong’o.

Tich Joote 4:1

Kane pod Petro gi Johana wuoyo gi ji, jodolo gi jatend jorit Hekalu, kod jo-Sadukai nobiro irgi.

Tich Joote 5:18

Omiyo ne gimakogi, mi giketogi e jela.

Tich Joote 5:24

Kane jorit Hekalu kod jodolo madongo owinjo wachno, ne gidhier nono, ka giwuoro gima ditim joote!

2 Jo-Korintho 11:33

to ne awuok gie otuch manie kor ohinga, kilora piny gi osera, mi atony e lwete!

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.