Jeremia 29:13 - MUMA MALER 2015

¹³ Unudwara, mi unuyuda, nikech unudwara gi chunyu duto.

Motingʼo Loko Manyien

¹³ Unudwara kendo unuyuda ka udwara gi chunyu duto.

Jeremia 29:13 ပူးပေါင်းရင်းမြစ်များ

1 Ruodhi 2:4

Kamano Ruoth Nyasaye nochop singruok mane otimona, kowachona ni, ‘Ka yawuoti noritre, kendo nowuoth e nyima gi adiera gi chunygi duto kod parogi duto, to nyikwayi nobed ruodhi mag Israel nyaka chieng’.’

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

1 Weche mag Ndalo 22:19

Omiyo koro keturu chunyu gi parou kuom dwaro Ruoth Nyasaye ma Nyasachu. Chakuru gero Hekalu ni nying Ruoth Nyasaye mondo Sandug Muma mare, kod gik maler mitiyogo kilame, oyudie kar bet.”

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 22:9

Eka nochako dwaro Ahazia, monwang’e Samaria kuma noyudo opondoe. Ne gikele ir Jehu mi ginege. Ne giyike maber, nikech ne giwacho ni en nyakwar Jehoshafat mane oluwo Ruoth Nyasaye gi chunye duto. Ne onge ng’ato e od Ahazia manyalo bedo ruoth.

2 Weche mag Ndalo 31:21

Tije duto ma notimo e Od Nyasaye notimo koluwo chik, kendo kodwaro Nyasaye gi chunye duto, mi noyudo gueth.

Zaburi 119:10

Atemo tiyoni gi chunya duto, omiyo rita mondo kik awe luwo chikeni.

Zaburi 119:145

Aywakni gi chunya duto, A Ruoth Nyasaye. Yie idwoka mondo arit chikeni.

Zaburi 119:2

Joma oluwo chikene kendo moluore gi chunygi duto, bende gin johawi.

Zaburi 119:58

Akwayi gi chunya duto ni mondo ing’wonna kaka isesingori.

Zaburi 119:69

Josunga ketho nyinga gi weche mag miriambo, to kata kamano, arito chikeni gi chunya duto.

Zaburi 145:18

Ochiegni gi ji duto ma ywakne gi adiera.

Zaburi 32:6

Mano omiyo ji duto moluori onego olami ka gin e chandruok. Kamano, ka ohula maduong’ mwomore ka biro, to ok noywergi.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Isaya 45:19

Ok awuo ling’ling’, kama opondo e piny motimo mudho, bende pok awacho ni joka Jakobo ni mondo okwaya gima ok asechano ni abiro miyogi. An Ruoth Nyasaye awacho adier. Ahulo mana gik ma ratiro.

Isaya 65:10

Joga ma osebedo ka lama nokwa jambgi e geng’ Sharon, kendo holo mar Akor nobed leg dhogi.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Jeremia 50:4

Ruoth Nyasaye wacho niya, “Ka kindeno ochopo, to jo-Israel gi jo-Juda nobi kanyakla, kaywak, kendo ka dwara, an Ruoth Nyasaye ma Nyasachgi.

Hosea 5:15

“Abiro dhi mi adog kar dakna nyaka chop kinde ma giyie ni giseketho, mi giduog ira ka gidwara gi chunygi duto, nikech thagruok malit ma giseyudo.”

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Mathayo 7:7

“Kwauru, eka nomiu, kendo dwaruru, eka unuyudi, bende dwong’uru eka noyawnu;

Tich Joote 8:36

To kane oyudo gidhi nyime gi wuoth, ne gichopo kamoro manitie pi, mi ng’atno nowacho niya, “Ne! Pi e e! Ang’o ma koro dimona yudo batiso?” [