Jeremia 29:12 - MUMA MALER 2015

¹² Bang’e unuluonga, kendo unubi ulama, mi nadwoku.

Motingʼo Loko Manyien

¹² Eka unuluonga mi anabi kendo ulama, to anawinju.

Jeremia 29:12 ပူးပေါင်းရင်းမြစ်များ

2 Weche mag Ndalo 33:13

Nokwayo Nyasach kwerene kobolore ahinya, mi Nyasaye nowinjo ywakne mokonye, kendo nodwoke Jerusalem e lochne. Koro Manase nong’eyo ni Ruoth Nyasaye e Nyasaye.

2 Weche mag Ndalo 6:38

mi giduogo iri gi parogi duto kendo gi chunygi duto e piny ma notuegieno, kendo gilemo ka gichomo pinygi ma nimiyo kweregi, kod dala ma niyiero, gi Hekalu masegeronini,

Ayub 22:27

Ka ilemo, to obiro winji, kendo inichop singruok duto mane itimo.

Zaburi 10:17

A Ruoth Nyasaye, ichiko iti ni lemo mag joma obolore, kendo itego chunygi.

Zaburi 145:19

Ji duto ma oluore, omiyo gik moko duto ma gichando, bende owinjo ywakgi, kendo oresogi.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Isaya 26:16

Ne wamanyi, A Ruoth Nyasaye, ka wan e chandruok, kendo kane ikumowa, to ne walami mos.

Isaya 30:19

Un jo-Sayun modak Jerusalem, ok unuchak uywagi. Ruoth Nyasaye biro ng’wononu, kendo obiro dwokou ka owinjo ywaku.

Isaya 65:24

Anadwokgi kapok giluonga, kendo anawinjgi kapok gitieko wuoyo.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jeremia 50:4

Ruoth Nyasaye wacho niya, “Ka kindeno ochopo, to jo-Israel gi jo-Juda nobi kanyakla, kaywak, kendo ka dwara, an Ruoth Nyasaye ma Nyasachgi.

Jeremia 51:50

“Un joga man Babulon, useyombo tho! Koro ringuru ua, mak udigni. Kata ubor koda kamano, to paruru an Ruoth Nyasaye ma Nyasachu, kendo Jerusalem bende mondo upar.

Ezekiel 36:37

“An Ruoth Nyasaye amedo wacho niya, ‘Abiro timo gik moko madongo kata moloyo mago. Abiroo yie jo-Israel okwaya mondo akonygi, mi ami ginya mathoth mana ka kueth rombe.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”