Jeremia 29:11 - MUMA MALER 2015

¹¹ An awuon ema ang’eyo gima achanonu. En gima ber to ok gima rach, kendo abiro kelonu gik mabeyo duto mugeno. An Ruoth Nyasaye ema awacho kamano.

Motingʼo Loko Manyien

¹¹ Nimar Jehova Nyasaye wacho niya, “Angʼeyo chenro ma an-go kodu. Chenro mar dhi maber to ok mar hinyou, chenro mar miyou geno kod ngima mabiro.

Jeremia 29:11 ပူးပေါင်းရင်းမြစ်များ

Ayub 23:13

Ok olokre, to bende onge ng’ama dipiem kode, kata ma ditame timo gima odwaro.

Zaburi 33:11

En to gik mochano dak nyaka chieng’, kendo dwarone siko mochwere.

Zaburi 40:5

A Ruoth Nyasacha, isetimonwa gik mang’eny miwuoro. Onge ng’ama inyalo pimo kodi! Gik moko duto ma isechanonwa kelonwa gweth. Ka da anyalo hulogi duto mi awuo kuomgi, to ging’eny ma ok anyal tieko.

Zaburi 85:9

Adier, oikore mar reso jogo ma miye luor, kendo duong’ne maler biro siko e pinywani.

Isaya 27:4

to ok onyagna olemo ma anyalo losogo divai. Omiyo ochalo mana gi puodho ma kudho gi pedo ema opong’o. Kuom mano, abiro monje, mi awang’e pep,

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Jeremia 24:5

“An Ruoth Nyasaye ma Nyasach Israel akwano joma ne oter e tuech Babulon ka ng’owo mabeyogo, kendo abiro guedhogi.

Jeremia 30:10

“Un nyikwa Jakobo jatichna, kik ubed maluor. Ee, un jo-Israel, kik chunyu parre, nikech abiro resou mi agolu e piny mabor motueueno. Nyikwa Jakobo noduogi kendo ginidag gi kue, maonge ng’ama bwogogi. An Ruoth Nyasaye ema awacho kamano.

Jeremia 30:9

To ginitina, an Ruoth Nyasaye ma Nyasachgi, kendo giniti ni Daudi ma abiro keto mondo obed ruodhgi.

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Ywagruok 3:26

En gima ber bedo gi kue, kirito Ruoth Nyasaye mondo oresi.

Ezekiel 11:16

To koro in Ezekiel, nyis jou moter e tuech ni an Ruoth Nyasaye, awacho ni kata obedo ni ne akeyogi e pinje mamoko mondo gidag e kind ogendini man maboyo, to kindeni ayie mondo gilama e pinje ma gintiego.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Mika 4:12

To ogendinigo ok ong’eyo gima Ruoth Nyasaye paro. Gikia ni ochano chokogi mondo okumgi, mana kaka ichoko cham midwaro dino!

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”