Jeremia 29:10 - MUMA MALER 2015

¹⁰ Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Motingʼo Loko Manyien

¹⁰ Ma e gima Jehova Nyasaye wacho: “Bangʼ ka usetieko higni piero abiriyo e Babulon, to anabi iru kendo achop singo mara mar ngʼwono mondo aduogu ka.”

Jeremia 29:10 ပူးပေါင်းရင်းမြစ်များ

2 Weche mag Ndalo 36:21

Mano notimore mondo wach Ruoth Nyasaye mane omiyo Jeremia owacho, ochopi. Jeremia nosewacho niya, “Pinyni nonind ma ok opur kuom higni piero abiriyo, mondo ochulgo ndalo mag Sabato mane osekadho, ka jopiny ok orito.”

2 Weche mag Ndalo 36:22

E higa mokwongo mar loch Kuros, ruodh Persia, Ruoth Nyasaye nomiyo wachne, mane Jeremia okoro, ochopo kare. Nomiyo Kuros ogoyo milome e pinye duto, kendo olando wach gi barupe,

Ezra 1:1

E higa mokwongo mar loch Kuros ruodh Persia, Ruoth Nyasaye nomiyo wachne mane Jeremia okoro, otimore. Nomiyo Kuros ruodh Persia ogoyo milome e pinje duto,, kendo olando wach gi barua, kowacho niya:

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Zaburi 102:14

Jotichni ohero Sayun, kata obedo ni okethe kamano! Adier, kata obedo ni odong’ mana gunda, to pod gikeche akecha.

Jeremia 25:11

Pinyni duto biro dong’ nono, kendo nobed gima lich mabwogo ji. Ogendini duto nobed ka tiyo ni ruodh Babulon kuom higni piero abiriyo.

Jeremia 25:12

To bang’ mano, anakum ruodh Babulon kaachiel gi joge kuom richogi. Anaketh pinygi, mi osik kokethore nyaka chieng’. An Ruoth Nyasaye ema awacho kamano.

Jeremia 27:22

ibiro tero Babulon, mi bed kuno nyaka chop apargi kendo. Bang’e anaduoggi, mi aketgi kaeri. An Ruoth Nyasaye ema awacho kamano.”

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Jeremia 29:28

Nyaka kwere nikech nowacho ni jo-Juda man Babulon ni ginibed e tuech kuno aming’a. Omiyo onego giger udi gidagie, kendo gilos puothe, gicham gik monyakie.’ ”

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 30:3

nimar ndalo biro ma anaduogie joga ma jo-Israel gi jo-Juda. Anadwokgi e piny mane amiyo kweregi, mi gidagie kendo.”

Jeremia 33:14

Ruoth Nyasaye nowacho niya, “Kinde biro ma anachopie singruok mane atimo ni jo-Israel gi jo-Juda ni anaguedhgi.

Ezekiel 11:17

Kuom mano, nyisgi ni an Ruoth Nyasaye awacho ni abiro chokogi kagologi e pinje mane akeyogie, kendo abiro dwokonigi piny Israel.

Daniel 9:2

an Daniel, nasomo kitepe maler, ka adwaro ng’eyo tiend higni piero abiriyo mane Jerusalem biro bedogo gunda, kaka ne Ruoth Nyasaye owacho ni Jeremia.

Zefania 2:7

Jo-Juda modong’ ema nobed weg piny man e dhonam. Ginikwa jambgi e dhonam kuno, kendo giniyue e ut jo-Askelon gotieno, nimar an Ruoth Nyasaye ma Nyasachgi, abiro konyogi, mi adwoknigi gueth mane gin-go chon.

Zekaria 1:12

Eka malaika mar Ruoth Nyasaye nowacho niya, “A Ruoth Nyasaye Manyalo Gik Moko Duto, nyaka karang’o ma ibiro betie ka ok idewo Jerusalem kaachiel gi mier mag Juda, ma isebedo kikechogo kuom higni piero abiriyogi?”

Zekaria 7:5

“Nyis ane ji duto kod jodolo niya, ‘Bende ne umiya duong’ adier, kuom riyo kech mane uriyogo e due mar abich gi mar abiriyo, kuom higni piero abiriyogo?

Ruth 1:6

Kane Naomi pod ni e piny Moab, nowinjo kaka Ruoth Nyasaye oseparo joge, momiyo chiemo. Omiyo nochako wuoth gi mond yawuote mondo oa kuno, odog thurgi.