Jeremia 28:9 - MUMA MALER 2015

⁹ To ubiro ng’eyo ka janabi ma koro wach kue en janabi ma Ruoth Nyasaye oseoro adier, mana ka gik ma okoro otimore.”

Motingʼo Loko Manyien

⁹ To janabi makoro kwe nowinji mana ka ngʼatno moor gi Jehova Nyasaye adier mana ka gima okoro otimore.”

Jeremia 28:9 ပူးပေါင်းရင်းမြစ်များ

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Jeremia 14:13

An to ne adwoke ni, “A Ruoth Nyasaye, donge ing’eyo ni jonabi wacho ni ji niya, ‘Kech kata lweny biro bedo maonge, nimar nisingori ni kue kende ema nobed e pinywa’?”

Jeremia 4:10

Kane awinjo kamano, nawacho niya, “A Ruoth Nyasaye, isewuondo jo-Jerusalem chuth! Niwacho ni kue biro betie, to koro ligangla ema nie ng’utwa!”

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 8:11

nimar giwacho ni gik moko dhi nyime maber to chutho gik moko ok dhi nyime maber. Kuom mano gichalo gi jothieth mathiedho jotuo marachrach, mana ka gima ok gituo.

Ezekiel 33:33

To ka wechenigo duto otimore, kaka en adier ni gibiro timore, mak orem, to eka gining’e ni kara janabi osebet ka ni e kindgi!”

Rapar mar Chik 18:21

To ma e kaka unyalo ng’eyo wach ma ok oa kuom Ruoth Nyasaye:

Rapar mar Chik 18:22

Ka janabi owacho wach moro e nying Ruoth Nyasaye to bang’e wachno ok ochopo kare, mano nyiso ni ok en wach Ruoth Nyasaye, to osewuoyo mana gi tekone owuon. Omiyo kik umiye duong’.