Jeremia 28:4 - MUMA MALER 2015

⁴ Bende abiro duogo Jekonia wuod Jehoyakim ma ruodh Juda kaachiel gi jo-Juda mane odar moter Babulon e tuech. Adier, abiro turo jok mar ruodh Babulon. An Ruoth Nyasaye ema awacho kamano.”

Motingʼo Loko Manyien

⁴ Bende anaduog kae Jehoyakin wuod Jehoyakim ruodh Juda kod jogo mamoko duto mane oter e twech koa Juda mane odhi Babulon,’ Jehova Nyasaye owacho, ‘nimar anatur jok mar ruodh Babulon.’ ”

Jeremia 28:4 ပူးပေါင်းရင်းမြစ်များ

Chakruok 27:40

To liganglani ema nomiyi chiemo, kendo inibed jatich owadu. To kinde nobi ma ining’anyie, kendo nia e bwo lochne.”

2 Ruodhi 24:14

Nebukadnezar nodaro jo-Jerusalem duto, kotero jodongo kod jomwandu ma dirom alufu apar e tuech kaachiel gi jotheth, kod ji duto molony kuom tich lwedo. Onge ng’ato mane odong’ mak mana joma odhier.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Jeremia 13:19

Oselwor miech piny milambo, kendo onge ng’ama nyalo resogi. Osedar jo-Juda mi oter e tuech.”

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Jeremia 22:10

“Jo-Juda, kik uywag ruoth Josia, ma koro osethoni, to ywaguru wuode ma Shalum, nikech osetere e piny moro, kendo ok noduogi, bende ok ochak one piny mane onywolee.

Jeremia 22:24

Ruoth Nyasaye nowacho ni Jekonia wuod Jehoyakim ma ruodh Juda niya, “An Nyasaye mangima akuong’ora ni kata ka inie tere manie lweta ma korachwich to pod dawuodhi oko,

Jeremia 24:1

Ruoth Nyasaye ne onyisa atonge ariyo moting’o ng’owo, koket e nyim Hekalu, mano notimore kane Nebukadnezar ruodh Babulon osetero Jekonia wuod Jehoyakim ma ruodh Juda e tuech Babulon, kaachiel gi jotend Juda gi jotheth kod joma olony e tich lwedo.

Jeremia 24:5

“An Ruoth Nyasaye ma Nyasach Israel akwano joma ne oter e tuech Babulon ka ng’owo mabeyogo, kendo abiro guedhogi.

Jeremia 27:8

“To ka oganda moro otamore tiyo ni Nebukadnezar ruodh Babulon, kata rwako jokne, to lweny gi kech kod tuoche ema nakumgo ogandano nyaka chop ami obed e teko mar Nebukadnezar. An Ruoth Nyasaye ema awacho kamano.

Jeremia 28:10

Bang’ mano, Hanania nogolo jok e ng’ut Jeremia, moturo matindo tindo.

Jeremia 28:2

ni Ruoth Nyasaye Manyalo Gik Moko Duto kendo ma Nyasach Israel owacho kama: “Aseturo jok mar ruodh Babulon,

Jeremia 29:1

Jeremia nondiko ni jotelo mane odong’ kuom joma otue, kaachiel gi jodolo gi jonabi kod ji duto mane Nebukadnezar ogolo Jerusalem motero Babulon.

Jeremia 29:2

Nondiko baruano kane ruoth gi min mare gi jodong od ruoth gi jotend Juda kod jo-Jerusalem gi jotheth kod joma olony e tich lwedo osea Jerusalem.

Jeremia 30:8

Ruoth Nyasaye Manyalo Gik Moko Duto wacho niya, “Chieng’no anang’ad jok manie ng’utgi, kendo anatur ratege motuegigo, mi ok ginichak gibed wasumb jopinje mamoko

Tim jo-Lawi 26:13

An e Ruoth Nyasaye ma Nyasachu ma nogolou e piny Misri mondo uwe bedo wasumb jo-Misri. Aseturo lodi ma ne otuenu, mi omiyo koro uwuotho tir.

Nahum 1:13

Koro abiro chodo nyororo motueugo, mi agolu e tich misumba.