Jeremia 28:3 - MUMA MALER 2015

³ kendo ka pok higni ariyo orumo, to abiro dwoko gik lemo duto mane ruoth Nebukadnezar okawo motero Babulon.

Motingʼo Loko Manyien

³ Kuom higni ariyo abiro duogo kae gik moko duto mag od Jehova Nyasaye mane Nebukadneza ruodh Babulon ogolo kae kendo otero Babulon.

Jeremia 28:3 ပူးပေါင်းရင်းမြစ်များ

Chakruok 47:28

Jakobo nodak Misri kuom higni apar gabiriyo, nyaka nodoko jahigni mia achiel gi piero ang’wen gabiriyo.

Chakruok 47:9

Jakobo nodwoke ni, “Higni ma asewuotho e piny, gin mana mia achiel gi piero adek. Hignigo osebedo manok kendo maricho, kendo ok girom gi higni ma kwerewa nowuothogo e piny.”

2 Ruodhi 24:13

Nebukadnezar nokawo gik mabeyo duto mane nie Od Ruoth Nyasaye, kod mane nie kar keno mar od ruoth, kendo nong’ado ong’ado gik moko duto mag dhahabu mane Solomon ruodh Israel oloso, mane nie Od Ruoth Nyasaye. Kamano wach Ruoth nochopo kare.

2 Weche mag Ndalo 36:10

E ndalo oro ruoth Nebukadnezar nooro joote mokelo Jehoyachin Babulon kaachiel gi mwandu mag Od Ruoth Nyasaye, mi Nebukadnezar noketo Zedekia owadgi Jehoyachin ruodh Juda gi Jerusalem.

2 Weche mag Ndalo 36:7

Nebukadnezar nokawo bende bath gik moko mag Od Ruoth Nyasaye, motero Babulon e ode.

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.