Jeremia 28:17 - MUMA MALER 2015

¹⁷ Kamano Hanania janabi notho e due mar abiriyo mar higano.

Motingʼo Loko Manyien

¹⁷ E dwe mar abiriyo mar higa onogono, Hanania janabi notho.

Jeremia 28:17 ပူးပေါင်းရင်းမြစ်များ

2 Ruodhi 7:20

Kendo kamano e kaka notimorene, nikech ji ne onyone e dhorangach, motho.)

Jeremia 23:31

Bende amon gi jonabi ma wacho wechegi giwegi, to wuondore ni wechego oa kuoma.

Jeremia 28:1

E higano, e due mar abich mar higa mar ang’wen mar loch Zedekia ruodh Juda, Hanania janabi, ma wuod Azur ja-Gibeon, nowuoyo gi Jeremia e Hekalu kowachone e nyim jodolo kod ji,

Jeremia 28:16

Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Jeremia 29:1

Jeremia nondiko ni jotelo mane odong’ kuom joma otue, kaachiel gi jodolo gi jonabi kod ji duto mane Nebukadnezar ogolo Jerusalem motero Babulon.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’