Jeremia 28:16 - MUMA MALER 2015

¹⁶ Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Motingʼo Loko Manyien

¹⁶ Emomiyo, ma e gima Jehova Nyasaye wacho: ‘Achiegni goli e pinyni. Mana e higani idhi tho, nikech iseyalo ngʼanyo ne Jehova Nyasaye.’ ”

Jeremia 28:16 ပူးပေါင်းရင်းမြစ်များ

Chakruok 7:4

Bang’ ndalo abiriyo abiro kelo koth e piny kuom ndalo piero ang’wen, odiechieng’ gotieno, mi anatiek gik moko duto mangima masechweyo.”

1 Ruodhi 13:34

Timni nomiyo dhood Jeroboam obedo joketho, mi notiekgi chuth, ma onge modong’ e piny.

Wuok 32:12

Ang’o momiyo imiyo jo-Misri biro wacho, niya, ‘Ruoth Nyasaye nogolo jo-Israel Misri mana ni mondo otimnigi marach, konegogi e gode, kendo otiekgi chuth’? Yie iwe mirimbi mager, kendo ilok paroni, mondo kik ikel masirani kuom jogi.

Jeremia 20:6

To in Pashur, nomaki kaachiel gi joodi, mi teri Babulon kuma inithoe kendo yikie but osiepeni ma isebedo ka ihulonigi weche mag miriambo!”

Jeremia 28:17

Kamano Hanania janabi notho e due mar abiriyo mar higano.

Jeremia 28:3

kendo ka pok higni ariyo orumo, to abiro dwoko gik lemo duto mane ruoth Nebukadnezar okawo motero Babulon.

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Amos 9:8

Arango piny jo-Israel motimo richoni, kendo abiro tieke e wang’ piny. Kata kamano ok anatiek joka Jakobo duto te.

Kwan 14:37

tho nonego e nyim Ruoth Nyasaye nikech ne gikelo wach marach.

Kwan 29:32

“Chieng’’ mar abiriyo unuchiw ruedhi abiriyo gi imbe ariyo kod nyiimbe apar gang’wen ma hikgi achiel achiel mondo otimgo misango. Jamnigo duto nyaka bed maonge songa.

Rapar mar Chik 6:15

nikech kuluwogi, to Ruoth Nyasaye modak e dieru biro kecho kodu ahinya mi dotieku e wang’ piny, nimar Ruoth Nyasaye ma Nyasachu en Nyasaye ma janyiego.