Jeremia 28:15 - MUMA MALER 2015

¹⁵ Bang’e Jeremia nowacho ni Hanania niya, “Koro winji, Hanania. Ruoth Nyasaye ok oori, to imiyo jogi geno mana miriambo.

Motingʼo Loko Manyien

¹⁵ Eka janabi Jeremia nowachone janabi Hanania, “Winji Hanania! Jehova Nyasaye pok oori, to isehoyo ogandagi mondo ogen kuom miriambo.

Jeremia 28:15 ပူးပေါင်းရင်းမြစ်များ

1 Ruodhi 22:23

Koro sani Ruoth Nyasaye oseketo roho mar miriambo e dho jonabini duto. To kata kamano Ruoth Nyasaye oseng’adoni buch masira.”

Jeremia 20:6

To in Pashur, nomaki kaachiel gi joodi, mi teri Babulon kuma inithoe kendo yikie but osiepeni ma isebedo ka ihulonigi weche mag miriambo!”

Jeremia 23:21

Ruoth Nyasaye nowacho niya, “An, ne ok aoro jonabigo, to ne girikni arika ka gidhi. Bende ne ok amiyogi wach moro, to pod ne giwuoyo mana e nyinga!

Jeremia 23:31

Bende amon gi jonabi ma wacho wechegi giwegi, to wuondore ni wechego oa kuoma.

Jeremia 27:15

Ruoth Nyasaye owuon osewacho ni ne ok oorogi, to giwuondou awuonda e nyinge. Mano emomiyo noriembu, mi negu duto, kaachiel gi jonabi ma wachonu miriambogo.”

Jeremia 28:11

Eka nowacho e nyim ji duto niya, “Ruoth Nyasaye osewacho ni kaka aseturo jokni e kaka obiro turo jok ma ruoth Nebukadnezar oseketo e ng’ut ogendini, kendo obiro timo kamano kapok higni ariyo orumo.”

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Jeremia 29:8

An Ruoth Nyasaye ma Nyasach Israel asiemou ni kik jonabi modak kodu kata jokor wach wuondu. Kik uchik itu ni lekgi,

Jeremia 7:8

Onge gima uyudo kuom keto chunyu e wach miriambo muwachono.

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Ezekiel 13:6

Fweny ma gineno ok gin madier, kendo gikoro weche mag miriambo. Giwacho ni wechego gin weche Ruoth Nyasaye, to an ne ok aorogi. To eka pod giparo ni gik ma gikoro biro timore!

Ezekiel 13:9

Achiegni kumou, un jonabi maneno fweny ma ok adier, kendo ma koro weche mag miriambo. Ok unubed e chokruok mar joga, kendo nyingu ok nondik kaachiel gi nying jo-Israel mamoko, bende ok unuchak udog e pinyu, mi unung’e ni an e Ruoth Nyasaye.

Ezekiel 22:28

Jonabi to umo richogo mana ka joma mwono kor ot gi buru. Gineno fweny mag miriambo, kendo gikoro weche ma ok adier. Giwacho ni wechego gin mag Ruoth Nyasaye, to an Ruoth Nyasaye pok awuoyo kodgi.

Zekaria 13:3

Bang’ mano, ka ng’ato pod nodhi adhiya nyime gi koro wach, to wuon gi min nowachne niya, ‘Ok inichak ibed mangima kendo, nimar isewacho miriambo e nying Ruoth Nyasaye.’ Kamano wuon gi min nochwowe gi tong’, mi nege, kokoro wach.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’