Jeremia 28:14 - MUMA MALER 2015

¹⁴ Ruoth Nyasaye Manyalo Gik Moko Duto kendo ma Nyasach Israel osewacho ni obiro keto jok mar nyinyo kuom ogendini duto, kendo giniti ni Nebukadnezar ruodh Babulon. Bende osewacho ni obiro miyo kata mana le mae bungu ti ni Nebukadnezar.”

Motingʼo Loko Manyien

¹⁴ Ma e gima Jehova Nyasaye Maratego, ma Nyasach Israel, wacho: Anaket jok mar chuma e ngʼut ogendinigi mondo gitine Nebukadneza ruodh Babulon, kendo ginitine. Kendo anamiye teko ewi le mag bungu.’ ”

Jeremia 28:14 ပူးပေါင်းရင်းမြစ်များ

Jeremia 15:12

Onge ng’ama nyalo turo chuma, to moloyo chuma monywas gi mula, moa e piny ma yo nyandwat.”

Jeremia 27:4

mondo onyis ruodhigigo ni an Ruoth Nyasaye Manyalo Gik Moko Duto, kendo ma Nyasach Israel

Jeremia 27:8

“To ka oganda moro otamore tiyo ni Nebukadnezar ruodh Babulon, kata rwako jokne, to lweny gi kech kod tuoche ema nakumgo ogandano nyaka chop ami obed e teko mar Nebukadnezar. An Ruoth Nyasaye ema awacho kamano.

Jeremia 40:4

Koro agonyo nyororo oko e lweti mondo ibed thuolo, kendo ka idwaro dhi koda Babulon, to wanyalo dhi, mi anariti maber. To ka ok idwar dhi, to bende onge wach, inyalo dong’. In thuolo, omiyo inyalo dhi kamoro amora mihero.”

Ywagruok 1:14

Osedhogo richona kuoma gi lwete owuon. Adier, ne oketo jok mare e ng’uta, mi pek mar jokno otieko tekra. Ruoth Nyasaye osejwang’a e lwet wasika, kendo ok anyal sirogi.

Daniel 2:38

mondo irit ji, kaachiel gi le kod winy, kuonde duto ma gintie. Kamano ruoth, in e wich mar dhahabuno.

Hosea 10:11

“Jo-Israel ne chalo gi nyaroya mobo mamuol, kendo mohero tich ywayo lodi madiemo cham. To koro asetweyo jok e ng’ute ma opugno mondo opur. Ee, namiyo jo-Juda gi jo-Israel opuro.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.