Jeremia 27:7 - MUMA MALER 2015

⁷ Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Motingʼo Loko Manyien

⁷ Ogendini duto notine kod wuode kod nyakware ma wuowi nyaka kinde mar pinye chopi; eka pinje mangʼeny kod ruodhi maroteke nokete obed jatichgi.

Jeremia 27:7 ပူးပေါင်းရင်းမြစ်များ

Zaburi 37:13

To Ruoth Nyasaye nyiero ng’at ma timbene richo, nikech ong’eyo ni obiro rumo piyopiyo.

Isaya 13:1

Ma e wach mane Nyasaye onyiso Isaya wuod Amoz kuom Babulon e fweny:

Isaya 21:9

to koro echa aneno joidh farese ka biro, kaachiel gi geche lweny ma farese ariyo ariyo ywayo.” Eka nawinjo dwoko niya, “Babulon osepodho! Osepodho, kendo nyisechene manono osemuki moriere piny.”

Jeremia 27:22

ibiro tero Babulon, mi bed kuno nyaka chop apargi kendo. Bang’e anaduoggi, mi aketgi kaeri. An Ruoth Nyasaye ema awacho kamano.”

Jeremia 34:1

Ruoth Nyasaye ma Nyasach Israel nowuoyo gi Jeremia kane oyudo Nebukadnezar ruodh Babulon gi ogandane mar lweny kod jolweny mag ogendini mamoko, kaachiel gi mag pinje duto mane ni e bwo lochne omonjo Jerusalem kod mier mokiewo kode.

Jeremia 44:30

kaketo Farao Hofra ma ruodh Misri e lwet wasike madwaro nege, mana kaka naketo Zedekia ruodh Juda e lwet Nebukadnezar ruodh Babulon mane jasike, kendo mane dwaro nege. Anamiu ranyisino mondo ung’e ni nakumu kaeri, kendo ni anakel masira kuomu kaka ne asesingora.’ ”

Jeremia 46:13

E ndalo mane Nebukadnezar ruodh Babulon biro mondo omonj Misri, Ruoth Nyasaye nowuoyo gi Jeremia niya,

Jeremia 52:31

Kane Jehoyachin ruodh Juda osetue higni piero adek gabiriyo, Evil-merodak ruodh Babulon nogonye. Mano notimore chieng’ due piero ariyo gabich due mar apar gariyo, e higa mane Evil-merodak ochakoe tich ruoth.

Ezekiel 30:24

Bang’e anami bad ruodh Babulon bed motegno, mi aket liganglana e lwete. Bad ruodh Misri to abiro turo, mi nochur ka otho e nyim ruodh Babulon.

Daniel 2:37

Jaduong’, in e ruoth maduong’ie moloyo ruodhi duto. Nyasach polo oseketi ruoth, mi omiyi loch gi teko kod duong’,

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Habakuk 2:7

Donge joma uholo gik moko biro bandhou gigo? Koso donge gibiro tucho apoya, mi giteng’u nyaka udong’ nono, mi ubed wasumbgi?

Habakuk 2:8

Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Fweny 14:8

Eka malaika mar ariyo noluwe kawacho niya, “Yaye! Babulon, dala maduong’, osepodho! Osepodho! En e dhako mane omiyo ogendini duto omadho divai mar terruokne. En divai makelo mirimb Nyasaye.”

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!