Jeremia 27:15 - MUMA MALER 2015

¹⁵ Ruoth Nyasaye owuon osewacho ni ne ok oorogi, to giwuondou awuonda e nyinge. Mano emomiyo noriembu, mi negu duto, kaachiel gi jonabi ma wachonu miriambogo.”

Motingʼo Loko Manyien

¹⁵ Jehova Nyasaye wacho ni, ‘Ok aorogi. Gikoro miriambo e nyinga. Emomiyo, anariembu kendo unulal nono, un kaachiel gi jonabi ma koronu.’ ”

Jeremia 27:15 ပူးပေါင်းရင်းမြစ်များ

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Jeremia 14:14

To Ruoth Nyasaye nowachona niya, “Jonabigo koro weche mag miriambo e nyinga. An ne ok aorogi, kendo ne ok amiyogi chik, bende ne ok awuoyo kodgi. Gik ma giwachonugo gin fweny ma ok owuok kuoma, to gikoro mana weche manono ma giparo apara.

Jeremia 20:6

To in Pashur, nomaki kaachiel gi joodi, mi teri Babulon kuma inithoe kendo yikie but osiepeni ma isebedo ka ihulonigi weche mag miriambo!”

Jeremia 23:15

Kuom mano, an Ruoth Nyasaye Manyalo Gik Moko Duto, awuoyo kuom jonabi mag Jerusalem, ni abiro miyogi alode makech mondo gicham, kod pi motimo kwiri mondo gimodhi, nikech giselando weche makwedo Nyasaye e pinygi duto.”

Jeremia 23:21

Ruoth Nyasaye nowacho niya, “An, ne ok aoro jonabigo, to ne girikni arika ka gidhi. Bende ne ok amiyogi wach moro, to pod ne giwuoyo mana e nyinga!

Jeremia 23:25

Asewinjo weche mag miriambo ma jonabigo osehulo e nyinga ka giwacho ni giseleko, mi giyudo wach moa kuoma.

Jeremia 27:10

to giwuondou, kendo gibiro miyo teru mabor gi pinyu. Anariembu oko, mi urum pep.

Jeremia 29:8

An Ruoth Nyasaye ma Nyasach Israel asiemou ni kik jonabi modak kodu kata jokor wach wuondu. Kik uchik itu ni lekgi,

Jeremia 29:9

nimar giwachonu miriambo e nyinga, to an ne ok aorogi. An Ruoth Nyasaye ema awacho kamano.’ ”

Jeremia 38:22

to mon modong’ e od ruodh Juda ibiro gol, mi ter ni jotelo mag ruodh Babulon, kendo ka gidhi to giniwach niya, ‘Osiepe ruoth mogeno osewuonde, kendo gisebet ka gihewe gi rieko. Koro tinde osemoko e chuodho, omiyo osiepene oseweye!’ ”

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.