Jeremia 25:6 - MUMA MALER 2015

⁶ Ne gikwerou ni kik uti ni nyiseche mamoko, kendo kik ulamgi. Bende ni kik umi Ruoth Nyasaye mirima kuom lamo kido manono muloso uwegi. Ka da bed ni ne uluoro Ruoth Nyasaye, to dine ok okumou.

Motingʼo Loko Manyien

⁶ Kik ulu bangʼ nyiseche manono mondo utinegi kendo ulamgi; kik umi mirima maka gi gik ma lwetu oseloso. Eka ok anahinyu.”

Jeremia 25:6 ပူးပေါင်းရင်းမြစ်များ

1 Ruodhi 14:22

Jo-Juda notimo gik ma Ruoth Nyasaye okwero, mi richogi nomiyo Ruoth Nyasaye ojok kodgi moloyo kweregi duto.

2 Ruodhi 17:35

Ruoth Nyasaye nosetimo kodgi singruok, kawachonigi niya, “Kik ulam nyiseche mamoko, kata kik ukulrunigi. Kim utinigi, kata kik utimnigi misango.

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 20:3

“Kik ubed gi Nyasaye moro, to mak mana an.

Jeremia 32:30

Jo-Israel gi jo-Juda osebet mana ka timo gik ma amon-go, chakre tindogi, kendo gisemiya mirima gi kido manono ma giseloso.

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 44:7

“Kuom mano an Ruoth Nyasaye Manyalo Gik Moko Duto koro apenjou ni, ere gima omiyo uhinyoru uwegi kutimo gima rach kamano? Koso udwaro kelo masira kuom chwo gi mon gi rawere kod nyithindo mayom, ma dimi jou duto rum?

Jeremia 44:8

To mano ema biro timore, kumedo miya mirima gi kido mag nyisecheu manono, kendo kuom timo misengni ni nyiseche mamoko e piny Misri, kama usebiro mondo udagieni. Koso utimo kamano mana ni mondo urum, kendo mondo ogendini duto mae piny ojaru, kendo oluong nyingu ka gima okuong’?

Jeremia 7:6

Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Jeremia 7:9

Ukwelo, unego ji, uteroru, ukuong’oru gi miriambo, utimo lisweche ni Baal, kendo ulamo nyiseche manono ma yande ok ung’eyo.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

Rapar mar Chik 13:2

mi ranyisi kata hono mowuoyeno otimore, kendo bang’e owachonu ni mondo udhi uluw nyiseche mamoko ma ok ung’eyo, kendo ulam,

Rapar mar Chik 28:14

kendo ka ok utamoru chikego mi udagi lamo nyiseche mamoko, to Ruoth Nyasaye biro ketou jotelo, to ok joma itelonigi. Kamano ubiro dhi nyime maber, kendo ok nudog chien.

Rapar mar Chik 6:14

Kik uluw nyiseche mag ogendini mokiewo kodu,

Rapar mar Chik 8:19

“To kapo ni wiu owil gi Ruoth Nyasaye ma Nyasachu, muluwo nyiseche mamoko, mi ulamogi kendo ukulorunigi, to akuong’ora kawuono ni natieku ma onge kiawa.

Joshua 24:20

Kuweyo Ruoth Nyasaye, mutiyo ni nyiseche mamoko, to enolokre jasiku, kendo nokumu. Kata obedo ni oseguedhou kamano, to koro enotieku chuth.”