Jeremia 25:28 - MUMA MALER 2015

²⁸ To ka gidagi kawo kikombeno e lweti mondo gimadhi, to nyisgi ni Ruoth Nyasaye Manyalo Gik Moko duto owacho ni nyaka gimadhe!

Motingʼo Loko Manyien

²⁸ To ka gitamore kawo kikombe e lweti kendo ok gimetho, to nyisgi ni, ‘Ma e gima Jehova Nyasaye Maratego wacho: Nyaka umadhe!

Jeremia 25:28 ပူးပေါင်းရင်းမြစ်များ

Ayub 34:33

To kaka idagi gik ma Nyasaye timo, koro iparo ni bende dotim kaka in idwaro? Kata kamano in ema onego iyier gima itimo, to ok an, omiyo nyiswa gima iparo.

Jeremia 25:17

Omiyo ne agamo kikombe e lwet Ruoth Nyasaye, mi amiyo ogendini duto mane oora irgi omadhe.

Jeremia 27:8

“To ka oganda moro otamore tiyo ni Nebukadnezar ruodh Babulon, kata rwako jokne, to lweny gi kech kod tuoche ema nakumgo ogandano nyaka chop ami obed e teko mar Nebukadnezar. An Ruoth Nyasaye ema awacho kamano.

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Jeremia 49:12

Ruoth Nyasaye wacho niya, “Ka ji mane ok owinjore kum, bende noyudo kum, koro un uparo ni dutony mak okumu? Ooyo, nyaka kumu!

Jeremia 51:29

Piny tetni kendo yiengni, nikech Ruoth Nyasaye loko Babulon thim maonge ng’ama dakie, mana kaka nosechano.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Obadia 1:16

Joga oseyudo kum malit ewi goda maler, omiyo ogendini duto molworo joga biro yudo kum malit moloyo. Ibiro kumogi sidang’, mi gilal nono!

Tich Joote 4:28

Ne gichokore mondo gitim mana gima ne iseiko chon gi tekoni kod dwaroni.

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.