Jeremia 25:15 - MUMA MALER 2015

¹⁵ Ruoth Nyasaye ma Nyasach Israel nowacho niya, “Ma e kikombe mopong’ gi mirimba. Kawe mondo imi ogendini duto ma aori irgi omadhe.

Motingʼo Loko Manyien

¹⁵ Ma e gima Jehova Nyasaye, Nyasach Israel, nowachona: “Kaw e lweta kikombeni moole divai mopongʼ mar mirimba kendo iket ogendini duto ma aori kuomgi omadhe.

Jeremia 25:15 ပူးပေါင်းရင်းမြစ်များ

Ayub 21:20

Adier, joricho mondo okum kuom richogi giwegi, eka ging’e mirimb Nyasaye.

Zaburi 11:6

Olwaro kite motimo mach maliel kuom joricho, kendo okumogi gi mach mang’ang’ni.

Zaburi 60:3

Isemiyo jogi oneno thagruok mang’eny miwuoro! Adier, isemiyo wakwang’ ka joma omadho kong’o makech!

Zaburi 75:8

Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

Zaburi 75:9

An to abiro pako Nyasach Jakobo. Ee, abiro pake gi wer nyaka chieng’.

Isaya 14:26

Mano e wach ma aseiko ni piny ngima, kendo abiro rieyo bada kuom ogendini duto mondo otimre,

Isaya 34:2

nimar Ruoth Nyasaye nigi mirima mager kod ogendini duto, kod jogi mag lweny. Kuom mano osekuong’ogi ni mondo oneggi, mi tiekgi chuth.

Isaya 51:17

A malo! A malo, in dala Jerusalem. Ruoth Nyasaye osekumi malit ahinya komiyi kikombe ma mirimbe opong’o imadho. Adier, isemadho kikombe mamero ji, mi ilung’o.

Isaya 51:22

Ruoth Nyasaye ma Nyasachi kendo ma Ruodhi, ma chwako joge e bura, owacho kama: “Ng’e ni agolo kikombe mamero ji e lweti, mi ok nichak imethi e kikombe mar mirimbano, nikech aweyo kumi.

Isaya 51:23

To abiro kete e lwet joma sandi kendo thiri, mane owachoni niya, ‘Nind piny mondo wawuoth kuomi.’ Kamano ne inindo piny, mondo dieng’eyi olokre yo ma jowuoth luwo!”

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Jeremia 43:11

Adier, enobi, mi olo piny Misri. Joma oket ni mondo tuoche oneg, tuoche biro nego, kendo joma oket ni itero e tuech, noter e tuech, bende joma oket ni tho e lweny, biro tho e lweny!

Jeremia 45:5

Idwaro mondo iyud gik ma dongo dongo, to onego iwe dwarogi, nimar abiro kelo masira ni ji duto e piny. In to, initony kamoro amora midhiye, to ngimani kende ema niresi.’ ”

Jeremia 46:1

Ruoth Nyasaye nowuoyo gi Jeremia kuom ogendini mamoko ma jo-Israel.

Jeremia 48:26

“Miuru jo-Moab kong’o mondo omer, nikech gisedagi winjo chikna, an Ruoth Nyasaye. Gibiro ng’ielore e ng’okgi giwegi, kendo ji biro nyierogi.

Jeremia 49:12

Ruoth Nyasaye wacho niya, “Ka ji mane ok owinjore kum, bende noyudo kum, koro un uparo ni dutony mak okumu? Ooyo, nyaka kumu!

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Ezekiel 23:32

“An Ruoth Nyasaye awacho kama: Ibiro madho agwata nyameru. En agwata maduong’ kendo matut. Ji duto nojari kendo nonyieri, nikech agwatano opong’ du.

Ezekiel 23:33

En agwata ma luoro gi masira opong’o. Mane Samaria nyameru omadho. Enomi ibed momer, kendo chunyi nobed malit.

Ezekiel 29:12

Anami Misri bed piny mokethore moloyo pinje mamoko duto e piny. Anake jo-Misri e pinje, mi gidag e kind ogendini mamoko.”

Ezekiel 36:5

“Ruoth Nyasaye ohero jo-Israel ahinya, omiyo asewuoyo ka an gi mirima mager kuom ogendini mokiewo kodgi, to moloyo asewuoyo kuom jo-Edom. Ne gimako piny ka gin gi siboi kod sunga marach e chunygi, mi gikawo legene.

Obadia 1:16

Joga oseyudo kum malit ewi goda maler, omiyo ogendini duto molworo joga biro yudo kum malit moloyo. Ibiro kumogi sidang’, mi gilal nono!

Habakuk 2:16

To un bende duong’ ma un go biro lokore wichkuot, nikech ubiro madho kikombe ma mirimb Nyasaye opong’o mi ukwang’. Ee, Nyasaye biro kumou malit mi unubed gi wichkuot marach kar duong’ mane un-go.

Fweny 14:10

nyaka madh divai mar mirimb Nyasaye moruw makech e kikombe mar mirimbe. Noyud sand mar mach makakni e nyim malaika maler, kendo e nyim Nyarombo.

Fweny 14:19

Omiyo, malaikano notiyo gi pande mar keyo e piny, mi ochoko olemb mzabibu mag piny, mobologi kar biyo mzabibu maduong’ mar mirimb Nyasaye.