Jeremia 25:12 - MUMA MALER 2015

¹² To bang’ mano, anakum ruodh Babulon kaachiel gi joge kuom richogi. Anaketh pinygi, mi osik kokethore nyaka chieng’. An Ruoth Nyasaye ema awacho kamano.

Motingʼo Loko Manyien

¹² Jehova Nyasaye wacho niya, “To ka higni piero abiriyo orumo, anakum ruodh Babulon kod pinye, piny jo-Babulon, nikech ketho mag-gi, kendo anakethe nyaka chiengʼ.

Jeremia 25:12 ပူးပေါင်းရင်းမြစ်များ

2 Ruodhi 24:1

E ndalo Jehoyakim, Nebukadnezar ruodh Babulon nobiro, mi Jehoyakim nobet e bwo lochne kuom higni adek. To bang’e nopiem kode, modagi lochne

2 Weche mag Ndalo 36:22

E higa mokwongo mar loch Kuros, ruodh Persia, Ruoth Nyasaye nomiyo wachne, mane Jeremia okoro, ochopo kare. Nomiyo Kuros ogoyo milome e pinye duto, kendo olando wach gi barupe,

Zaburi 137:8

In Babulon bende ibiro kethi, kendo ng’at ma ochuloni kuor kuom gik ma isetimonwa en jahawi!

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 14:23

Abiro loko Babulon siany, kendo time kama chiewo ema dakie. Anakethe chuth mana ka gima oywe gi yuech.” Mago e weche mar Ruoth Nyasaye Manyalo Gik Moko Duto.

Isaya 15:6

Sokni mag Nimrim nodwon. Lum bende notwo, kendo oboke duto noner, ma onge gimoro amora mang’ich ma nodong’.

Isaya 20:1

Sargon ruodh Asuria ne ooro jatend lweny mare Ashdod, mi okawo dalano bang’ lweny mager.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 46:1

Nyiseche Babulon ma Bel gi Nebo okulore piny ka luoro omako. Yande ji ting’ogi ating’a ka miyogi duong’, to koro kenje gi jamni ema oting’ogi, ka gilokore ting’ maturo jamni mool!

Jeremia 23:2

An Ruoth Nyasaye ma Nyasach Israel awuoyo kuom jotelo mane onego rit joga niya, ‘Usekeyo joga, mi uriembo, bende ok useritogi maber. Koro abiro kumou nikech gik maricho ma usetimo.

Jeremia 25:14

Ogendini mang’eny kod ruodhi madongo nolokgi wasumbini, kendo abiro chulonigi kuor kuom timbegi.’ ”

Jeremia 27:22

ibiro tero Babulon, mi bed kuno nyaka chop apargi kendo. Bang’e anaduoggi, mi aketgi kaeri. An Ruoth Nyasaye ema awacho kamano.”

Jeremia 27:7

Ogendini duto notine, kendo giniti ni wuode kod nyakware bende, nyaka chop kinde ma ogandane owuon nopodhie. Bang’e ogandane noti ni ogendini marateke kod ruodhi madongo.

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Ezekiel 35:9

Anami pinyu kethre chuth, kendo onge ng’ama nochak odag e miechu. Eka unung’e ni an e Ruoth Nyasaye.

Daniel 9:2

an Daniel, nasomo kitepe maler, ka adwaro ng’eyo tiend higni piero abiriyo mane Jerusalem biro bedogo gunda, kaka ne Ruoth Nyasaye owacho ni Jeremia.

Habakuk 1:17

A Nyasaye, koro ibiro weyo gitimo kamano nyaka chieng’ ka ginego ogendini anega, to ok idew?