Jeremia 24:7 - MUMA MALER 2015

⁷ Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Motingʼo Loko Manyien

⁷ Anamigi chuny mar ngʼeya ni an Jehova Nyasaye. Ginibed joga kendo anabed Nyasachgi, nimar giniduog ira gi chunygi duto.’

Jeremia 24:7 ပူးပေါင်းရင်းမြစ်များ

2 Weche mag Ndalo 6:38

mi giduogo iri gi parogi duto kendo gi chunygi duto e piny ma notuegieno, kendo gilemo ka gichomo pinygi ma nimiyo kweregi, kod dala ma niyiero, gi Hekalu masegeronini,

Zaburi 119:2

Joma oluwo chikene kendo moluore gi chunygi duto, bende gin johawi.

Isaya 51:16

Aseketo wechena e dhou, mi apandou e tipo mar lweta, ka ayaro polo, kendo ka aketo mise mar piny, bende ka awachonu, un jo-Sayun, ni, “Un e joga.”

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Jeremia 30:22

Kamano unubed joga kendo anabed Nyasachu. An Ruoth Nyasaye ema awacho kamano.

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Ezekiel 11:17

Kuom mano, nyisgi ni an Ruoth Nyasaye awacho ni abiro chokogi kagologi e pinje mane akeyogie, kendo abiro dwokonigi piny Israel.

Ezekiel 14:11

Kamano jo-Israel ok nochak oweya, ka dwanyore gi richogi. Ginibed joga, kendo an bende nabed Nyasachgi. An Ruoth Nyasaye ema awacho kamano.”

Ezekiel 16:62

Abiro chako atimo kodi singruok, mi ining’e ni kara an e Ruoth Nyasaye.

Ezekiel 37:23

Ok ginichak gidwanyre gi nyiseche manono kendo makuero, bende ok ginindhogre gi richo. Anaresgi, kagologi e yore duto mag richo koda ka mago ma gindhogago. Anapwodhgi, mi gibed joga, kendo anabed Nyasachgi.

Ezekiel 37:27

Anadag kodgi kanyo, mi abed Nyasachgi, kendo gibed joga.

Ezekiel 39:22

Chakre kanyo jo-Israel nong’e ni an e Ruoth Nyasaye ma Nyasachgi,

Hosea 2:22

mi piny nonyag cham gi mzabibu kod zeituni.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Zekaria 8:8

mi adwokgi Jerusalem mondo gidagie. Ginibed joga kendo anabed Nyasachgi, kuom adiera kod tim makare.”

Jo-Rumi 6:17

To wagoyo ni Nyasaye erokamano nikech kata obedo ni yande un wasumb richo, to koro urito puonj mane omiu gi chunyu duto.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”