Jeremia 24:10 - MUMA MALER 2015

¹⁰ Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Motingʼo Loko Manyien

¹⁰ Anakel ligangla, kech kod masira kuomgi nyaka tiekgi e piny mane amiyogi kod wuonegi.’ ”

Jeremia 24:10 ပူးပေါင်းရင်းမြစ်များ

1 Ruodhi 14:15

Ruoth Nyasaye biro goyo jo-Israel, mi ginikirni kaka odundu ma pi yiengo, kendo nogol jo-Israel oko e piny maber ma nomiyo kweregini, mi nokegi koterogi loka aora Yufrate nikech gisemiyo Ruoth Nyasaye mirima, ka gichungo sirni milamo miluongo ni Ashera.

Isaya 51:19

Masiche ariyo osemaki. Achiel en kethruok piny, to machielo en tho mar kech kod lweny. To ere ng’ama nyalo hoyi, kendo duog chunyi?

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 15:2

To ka gipenjo ni gidhi kanye, to nyisgi ni Ruoth Nyasaye owacho kama: Jomoko kuomu tuo biro nego, kendo mano e kuma gibiro dhiye! To moko biro tho e lweny, kendo kuno ema gibiro dhiye! Bende moko kech biro nego, mi kuno ema gibiro dhiye! To moko ibiro tero e tuech, kendo kuno ema gibiro dhiye!

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 19:7

Ka eri ema nakethie gik moko duto ma jo-Juda gi jo-Jerusalem chano timo. Anawe wasikgi logi, mi neggi e lweny, kendo anami winy gi ondiegi cham ringregi.

Jeremia 21:9

Ng’ato ang’ata modong’ Jerusalem, lweny kata kech kata tuo noneg, to ng’ato ang’ata modhi ochiwore e lwet jo-Babulon ma koro monjo dalani, ok nonegi. To enores mana ngimane kende.

Jeremia 27:8

“To ka oganda moro otamore tiyo ni Nebukadnezar ruodh Babulon, kata rwako jokne, to lweny gi kech kod tuoche ema nakumgo ogandano nyaka chop ami obed e teko mar Nebukadnezar. An Ruoth Nyasaye ema awacho kamano.

Jeremia 29:17

Ruoth Nyasaye Manyalo Gik Moko Duto wacho niya, ‘Abiro kelo lweny gi kech gi tuoche kuomgi, kendo abiro miyo gichal ka ng’owo motop ma ok nyal cham.

Jeremia 29:18

Abiro chandogi gi lweny gi kech gi tuoche, mi ogendini duto mag piny biro bedo maluor koneno gima otimorenigi. Kamoro amora ma akeyogie, ji nobed kangerogi kendo tugo kodgi. Ginichargi, kendo giniluong nyinggi ka gima okuong’.

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Jeremia 32:25

To kata kamano, Ruoth Nyasaye, in ema ne inyisa mondo ang’iew puodho cha e nyim joneno, kata obedo ni jo-Babulon ochiegni kawo dalani kamano.”

Jeremia 34:17

Kuom mano, an Ruoth Nyasaye awacho ni ne achikou mondo uwe jo-Hibrania weteu thuolo, to ok userito chiknano, emomiyo abiro weyou thuolo, to mana ni mondo lweny gi tuoche kod kech onegu! Abiro miyo ogendini duto manie piny bed maluor konenou. An Ruoth Nyasaye ema awacho kamano.

Jeremia 42:17

Jogo duto ma oramo ni nyaka dhi dag e piny Misri, lweny kata kech kata tuoche biro nego. Onge kata ng’at achiel kuomgi ma nokwo. Ooyo, onge achiel ma notony kuom masira ma abiro kelo kuomgi.’

Jeremia 42:22

Kuom mano nyaka ung’e ni lweny kata kech kata tuoche biro negou e piny ma udwaro dhi dakieno!”

Jeremia 5:12

Jo-Ruoth Nyasaye osekwede, ka giwacho niya, “Ok obi timo gimoro. Onge masira moro, kaka lweny kata kech, ma nobi kuomwa.”

Jeremia 9:15

Kuom mano, winji gima abiro timo, an Ruoth Nyasaye Manyalo Gik Moko Duto kendo ma Nyasach Israel. Abiro miyo joga alode makech mondo ocham, kod pi motimo kwiri mondo gimodhi.

Jeremia 9:16

Abiro keyogi e kind ogendini ma ok ging’eyo, kendo ma kata kweregi bende ne ok ong’eyo. Bende abiro kelonigi wasigu mondo omonjgi nyaka chop atiekgi chuth.”

Ezekiel 33:27

“Nyisgi bende ni an Ruoth Nyasaye akuong’ora ni kaka an Nyasaye mangima, ji modak e mier modong’ gundni ibiro nego, kendo joma odak oko e risaf, ondiegi nocham, to joma opondo e gode kod buche, tuoche nonegi.

Ezekiel 6:11

Ruoth Nyasaye wacho niya, “Chwaduru lwetu kedo gouru tiendu piny kuywak malit nikech timbe makuero kod gik mamono duto ma jo-Israel osetimo. Kech gi tuoche biro negogi, kendo gibiro tho e lweny.

Ezekiel 7:15

Lweny gore oko, to tuo kod kech nie mier. Ng’ato ka ng’ato man oko biro tho e lweny. Joma nie mier to tuo gi kech biro nego.

Rapar mar Chik 28:21

Ruoth Nyasasye biro goyou gi tuoche nyaka tieku ua e piny mudonjoe mondo ukaw.

Fweny 6:8

Eka ne ang’icho mi aneno faras marabuor. Nying ng’at moidhe ne Tho, to Piny Joma Otho ne luwo machiegni. Ne omigi teko kuom bath piny moromo achiel kuom ang’wen, mondo gimi lweny kata kech kata tuoche kata ondiegi maricho mae piny oneg ji.