Jeremia 23:9 - MUMA MALER 2015

⁹ Jeremia nowuoyo kuom jonabi niya, “Chunya ool morumo, kendo atetni. Achal gi ng’at momer, mosemadho kong’o mang’eny, mana nikech Ruoth Nyasaye, kendo nikech wechene maler.”

Motingʼo Loko Manyien

⁹ Kuom jonabi: Chunya maiye ool; chokega duto tetni. Achalo ngʼama omer, mana ka ngʼama divai osemero, nikech Jehova Nyasaye kod wechene maler.

Jeremia 23:9 ပူးပေါင်းရင်းမြစ်များ

Zaburi 60:3

Isemiyo jogi oneno thagruok mang’eny miwuoro! Adier, isemiyo wakwang’ ka joma omadho kong’o makech!

Zaburi 69:20

Ayany ma ji yanyago osenego chunya ma onge kaka akony. Ne ageno ni ji dikecha, to ne ok aneno. Bende ne aparo ni dayud kony, to ne ok ayudo.

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Isaya 29:9

Nenore ni udhier nono. Ara galreuru agala kanyo! Meruru amera, to ok gi divai, bende tagreuru ataga to ok nikech kong’o.

Isaya 51:21

Emomiyo winji, in miseyudo masira, kendo imer, to ok gi kong’o.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Jeremia 36:16

kendo kane osetieko some duto, jotelogo nowuoyo e kindgi giwegi ka wuoro. Eka ne giwacho ni Baruk niya, “Nyaka wanyis ruoth wachni.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 8:18

“Akuyo ma ok anyal yudo kue, kendo chunya tuo.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Ywagruok 3:15

Osemiyo lit gi olo opong’o chunya.

Ezekiel 13:3

An Ruoth Nyasaye awacho kama: Joma koro weche mag miriambo none malit! Ok giseneno fweny moro, to giwacho mana gima chunygi ema paro.

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

Daniel 8:27

Bang’ mano, an Daniel, chunya nobedo mool, mi abedo matuo kuom kinde mogwarore. To bange ne aa malo, mi adok e tich mane ruoth osemiya. Kata kamano fwenyno ne odhiera, kendo ne ok anyal ng’eyo tiende.

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

Jo-Rumi 7:9

Chon ne ok ang’eyo wach Chik, to ne angima angima. To kane ang’eyo Chik, richo nodoko mangima, mi an to atho.