Jeremia 23:40 - MUMA MALER 2015

⁴⁰ Abiro miyogi wichkuot mochwere kod achaya ma wich ok nowilgo.”

Motingʼo Loko Manyien

⁴⁰ Anakelnu wichkuot manyaka chiengʼ ma en wichkuot ma wich ok nowilgo.”

Jeremia 23:40 ပူးပေါင်းရင်းမြစ်များ

Jeremia 20:11

To in Ruoth Nyasaye, in koda, itek, kendo iduong’, omiyo joma sanda biro chwanyore, kendo ok ginyal gimoro. Wigi biro kuot malich, nikech ok gibi loyo. Wichkuotgino nosik nyaka chieng’, kendo wich ok nowilgo.

Jeremia 24:9

Abiro kelo kuomgi masira malich ma nomi ogendini duto bed maluor. Ji nobed ka ngerogi, kendo tugo kodgi. Bende ji nochargi, kendo noluong nyinggi ka gima okuong’ kuonde duto ma akeyogie.

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Ezekiel 16:52

Kuom mano, koro wichkuot nie wiyi. Richoni dongo ahinya moloyo mag nyimineni, omiyo nyiminenigo nenore ka joma beyo. Emomiyo ting’ ating’a wichkuotni, nimar isemiyo nyimineni nenore ka joma ler!”

Daniel 12:2

Ji mang’eny kuom joma osetho biro chier. Moko kuomgi nochier mi yud ngima mochwere, to moko noyud wichkuot kod achaye mosiko.

Daniel 9:16

A Ruoth Nyasaye in ng’at makare, omiyo koro we kecho gi Jerusalem, nikech en dalani kendo en godi maler. Jopinje mokiewo kodwa duto jaro Jerusalem, kendo gijaro jogi mana nikech kethowa kaachiel gi timbewa manono mane kwerewa otimo.

Hosea 4:7

“Kaka jodolo medore e kaka gimedo timo richo e nyima. Abiro loko nying maber ma gin go obed nyiero.

Rapar mar Chik 28:37

Nyingu nolokre ka ngero, kendo gima ji jaro kendo nyiero.