Jeremia 23:35 - MUMA MALER 2015

³⁵ Kar mulo wechego to ng’ato ka ng’ato mondo openj osiepene kaachiel gi jowetene niya, ‘Ere kaka Ruoth odwokowa?’ Kata ni, ‘Ruoth Nyasaye osewacho nang’o?’

Motingʼo Loko Manyien

³⁵ Ma e gima ngʼato ka ngʼato kuomu siko wachone osiepne kata watne: ‘Dwoko Jehova Nyasaye en angʼo?’ kata, ‘En angʼo ma Jehova Nyasaye wacho?’

Jeremia 23:35 ပူးပေါင်းရင်းမြစ်များ

Zaburi 85:9

Adier, oikore mar reso jogo ma miye luor, kendo duong’ne maler biro siko e pinywani.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jeremia 42:4

Jeremia nodwokogi niya, “Kara mano ber, abiro lamo Ruoth Nyasachwa mana kaka usekwaya, kendo gimoro amora mowachona, to abiro nyisou. Ok napandu wach moro amora kata achiel.”

Jo-Hibrania 8:11

Onge ng’ama nopuonj wadgi, kata ma nopuonj omin mare, kawachone ni, “Ng’e Ruoth,” nikech giduto gining’eya, chakre ng’at matinie moloyo nyaka ng’ama duong’ie moloyo.