Jeremia 23:28 - MUMA MALER 2015

²⁸ Janabi ma oseleko lek, onego owach ni en mana lek, to janabi moseyudo wachna onego ohul wachnano kare. Koso mihudhi gi cham yande chalre?

Motingʼo Loko Manyien

²⁸ Jehova Nyasaye wacho niya, “We janabi man-gi lek owach lekne, to we ngʼat man giwachna owache gadiera. Nimar en angʼo ma miudhwe nyalo timo gi cham?”

Jeremia 23:28 ပူးပေါင်းရင်းမြစ်များ

1 Ruodhi 22:14

To Mikaya nodwoke ni, “Akuong’ora gi nying Ruoth Nyasaye ni gima Ruoth Nyasaye biro wacho ema nawachi.”

1 Ruodhi 22:16

Ruoth nowachone ni, “Asesiemi nyadidi ni kik iwach miriambo, to mak mana adiera kende e nying Ruoth Nyasaye!”

Ngeche 14:5

Janeno malong’o pile wacho adiera. Janeno ma mibadhi to wacho mana miriambo lilo.

Isaya 21:10

Yaye, jothurwa ma jo-Israel, ma osenyon ka kal minyono kidino, asenyisou gik ma Ruoth Nyasaye Manyalo Gik Moko Duto ma Nyasach Israel owachona.

Jeremia 23:25

Asewinjo weche mag miriambo ma jonabigo osehulo e nyinga ka giwacho ni giseleko, mi giyudo wach moa kuoma.

Jeremia 42:4

Jeremia nodwokogi niya, “Kara mano ber, abiro lamo Ruoth Nyasachwa mana kaka usekwaya, kendo gimoro amora mowachona, to abiro nyisou. Ok napandu wach moro amora kata achiel.”

Jeremia 9:12

Jeremia nopenjo Ruoth Nyasaye niya, “Ere gimomiyo piny okethore kendo otwo, ka piny motimo ongoro ma onge ng’ama wuothoe? Ere ng’ama riek manyalo winjo tiend wachni? Koso en ng’a ma isenyiso tiende mondo onyis joma moko?”

Jeremia 9:20

Jeremia nowacho niya, “Un mon, chikuru itu ni gima Ruoth Nyasaye owacho, mondo uwinj wachne. Puonjuru nyiu gi osiepeu wende ywak.

Ezekiel 13:3

An Ruoth Nyasaye awacho kama: Joma koro weche mag miriambo none malit! Ok giseneno fweny moro, to giwacho mana gima chunygi ema paro.

Mathayo 24:45

“Ere ng’ato kuomu ma chalo gi jatich mogen kendo mariek, ma ruodhe oketo mondo orit jotich wetene, kendo omigi chiemo e kinde mowinjore?

Luka 12:42

Eka Ruoth Yesu nowacho niya, “Ere ng’ato kuomu machalo gi jatich mogen kendo mariek, ma ruodhe biro keto mondo orit jotich wetene, kendo opognigi chiemo e kinde mowinjore?

1 Jo-Korintho 4:2

To gima dwarore kuom jorit en ni nyaka gibed joadiera.

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.

1 Timotheo 1:12

Agoyo erokamano ni Ruodhwa Yesu Kristo kuom miya teko mondo ati tijni, nikech nokwana ka jaadiera, mi oyiera mondo atine.