Jeremia 23:26 - MUMA MALER 2015

²⁶ Koro jonabigo biro wuondo joga gi miriambo ma giparo apara nyaka karang’o?.

Motingʼo Loko Manyien

²⁶ Nyaka karangʼo ma gigi nosik e chunje jonabi mariambogi, makoro gigo moa e pachgi giwegi?

Jeremia 23:26 ပူးပေါင်းရင်းမြစ်များ

Zaburi 4:2

Un ji ubiro yanya nyaka karang’o, kuhero mana gik manono, kendo kuluwo yore mag miriambo?

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Jeremia 14:14

To Ruoth Nyasaye nowachona niya, “Jonabigo koro weche mag miriambo e nyinga. An ne ok aorogi, kendo ne ok amiyogi chik, bende ne ok awuoyo kodgi. Gik ma giwachonugo gin fweny ma ok owuok kuoma, to gikoro mana weche manono ma giparo apara.

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Hosea 8:5

Asedagi nyaroya mar dhahabu ma jo-Samaria lamo, kendo mirimba ng’ang’ni kuomgi. Koro pod gidwaro ni mondo akumgi nyaka karang’o?

Tich Joote 13:10

mowachone niya, “Yaye, in wuod Satan! In jasik gik moko duto mabeyo! Ipong’ gi timbe duto mag miganga, kendo pile itemo loko adiera mag Nyasaye obed mag miriambo!

2 Timotheo 4:3

Ndalo biro ma ji ok noyie puonj maradier, to giniluw mana gombogi giwegi, kendo ginidwar bedo gi jopuonj mathoth mondo opuonjgi mana weche malombogi.

2 Petro 1:21

nikech onge wach mane okor mana nikech dwaro mar dhano. To ji ne wacho wach moa kuom Nyasaye, mana kaka Roho Maler ne telonigi.