Jeremia 23:25 - MUMA MALER 2015

²⁵ Asewinjo weche mag miriambo ma jonabigo osehulo e nyinga ka giwacho ni giseleko, mi giyudo wach moa kuoma.

Motingʼo Loko Manyien

²⁵ Jehova Nyasaye wacho niya, “Asewinjo gima jonabi makoro e nyinga gi miriambo wacho. Giwacho ni, ‘Ne aleko! Ne aleko!’

Jeremia 23:25 ပူးပေါင်းရင်းမြစ်များ

Chakruok 37:5

Chieng’ moro Josef noleko lek, to ka nonyiso owetene, ne gimedo mana mon kode.

Chakruok 37:9

Bang’e Josef nochako oleko lek machielo, mowacho ni owetene niya, “Nende aleko lek moro ni aneno wang’ chieng’ gi due kod sulue apar gachiel ka kulorena.”

Zaburi 139:2

Ing’eyo gik moko duto ma atimo. Adier, ing’eyo parona duto gi kuma bor!

Zaburi 139:4

Kata ka pok awuoyo, to ing’eyo gima adwaro wacho.

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Jeremia 14:14

To Ruoth Nyasaye nowachona niya, “Jonabigo koro weche mag miriambo e nyinga. An ne ok aorogi, kendo ne ok amiyogi chik, bende ne ok awuoyo kodgi. Gik ma giwachonugo gin fweny ma ok owuok kuoma, to gikoro mana weche manono ma giparo apara.

Jeremia 16:17

Aneno gik moko duto ma gitimo, kendo onge gima opondona, bende richogi ok nyal kadhona mak aneno.

Jeremia 23:28

Janabi ma oseleko lek, onego owach ni en mana lek, to janabi moseyudo wachna onego ohul wachnano kare. Koso mihudhi gi cham yande chalre?

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 27:10

to giwuondou, kendo gibiro miyo teru mabor gi pinyu. Anariembu oko, mi urum pep.

Jeremia 27:15

Ruoth Nyasaye owuon osewacho ni ne ok oorogi, to giwuondou awuonda e nyinge. Mano emomiyo noriembu, mi negu duto, kaachiel gi jonabi ma wachonu miriambogo.”

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Jeremia 29:8

An Ruoth Nyasaye ma Nyasach Israel asiemou ni kik jonabi modak kodu kata jokor wach wuondu. Kik uchik itu ni lekgi,

Jeremia 8:6

Ne achiko ita mondo awinj wechegi, to ne ok giwacho adiera kata achiel. Onge kata ng’at achiel kuomgi moseloko chunye kuom timbegi maricho, kata moseywagore kuom richo mosetimo. Ng’ato ka ng’ato mwomore e timbene, mana ka faras lweny mochodo kochiko wasigu.

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 22:28

Jonabi to umo richogo mana ka joma mwono kor ot gi buru. Gineno fweny mag miriambo, kendo gikoro weche ma ok adier. Giwacho ni wechego gin mag Ruoth Nyasaye, to an Ruoth Nyasaye pok awuoyo kodgi.

Joel 2:28

“Bang’e naol Roho mara kuom ji duto. Yawuotu gi nyiu nokor wach, bende jou madongo nolek lek, kendo jou matindo none fweny.

Zekaria 13:3

Bang’ mano, ka ng’ato pod nodhi adhiya nyime gi koro wach, to wuon gi min nowachne niya, ‘Ok inichak ibed mangima kendo, nimar isewacho miriambo e nying Ruoth Nyasaye.’ Kamano wuon gi min nochwowe gi tong’, mi nege, kokoro wach.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Mathayo 1:20

To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Luka 12:3

Kuom mano, gimoro amora musewacho e mudho, nowinji e lela, bende gimoro amora ma usekuodho ni ji kuonde mopondo, nohul ratiro.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.