Jeremia 23:24 - MUMA MALER 2015

²⁴ Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Motingʼo Loko Manyien

²⁴ Jehova Nyasaye wacho niya, “Bende ngʼato nyalo pondo kuonde mopandore mondo omi kik anene? Donge apongʼo polo gi piny?”

Jeremia 23:24 ပူးပေါင်းရင်းမြစ်များ

Chakruok 16:13

Hagar nowacho niya, “Bende en adier ni aseneno Nyasaye, to pod angima?” Omiyo noluongo Ruoth Nyasaye ma noyudo wuoyo kode ni El-roi, tiende ni, ‘Nyasaye ma neno.’

1 Ruodhi 8:27

“In Nyasaye, bende didag e piny? Ka kata polo maduong’ manadi ok nyal romi, to koro ot masegeronini direm marom nadi!

2 Weche mag Ndalo 2:6

To en ng’a ma dinyal gerone ot, ka kata polo maduong’ manade ok nyal rome dakie? An to an ng’a, ma dagerne ot modakie, mak mana kar wang’o ubani e nyime?

2 Weche mag Ndalo 6:18

“In Nyasaye, bende nidag kod ji e piny? Ka kata polo maduong’ manadi ok nyal romi, to koro ot ma asegeroni direm marom nadi!

Ayub 34:21

Orango gimoro amora ma dhano timo,

Ayub 34:22

kendo onge mudho kata mandiwa manadi, ma joricho nyalo pondonee.

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Zaburi 139:7

Ka da bed ni adwaro ringo Roho mari, to ere kuma dapondie?

Zaburi 139:8

Ka aringo adhi e polo, to in kuno. Kata ka ayikora piny, kuma joma otho nitie, to kuno bende intie!

Zaburi 148:13

Giduto mondo gipak Ruoth Nyasaye, nimar nyinge duong’ moloyo nying moko duto, kendo duong’ne maler oyombo polo gi piny.

Zaburi 90:8

Iketo richowa mopondo e nyimi kamaa inenogie.

Ngeche 15:3

Ruoth Nyasaye neno gik matimore kamoro amora. Orango joma beyo gi joma richo mana machalre.

Isaya 29:15

Yaye, unune malit, un joma temo pando parogi ni Nyasaye, kendo ma, kosetimo timbegi e mudho, to wacho niya, “Ere ng’ama nenowa, koso ere ng’ama ong’eyo gima watimo?”

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Jeremia 16:17

Aneno gik moko duto ma gitimo, kendo onge gima opondona, bende richogi ok nyal kadhona mak aneno.

Jeremia 32:19

In ichano gik malich miwuoro, kendo itimo gik madongo. Bende ineno gik moko duto ma ji timo, kendo itimonigi mana moromo gi timbegi.

Jeremia 49:10

Un to aseyweyou oko gi yuech, kendo asefwenyo kuonde ma upondoe, mi koro onge kama unyalo resorue. Jo-Edom gi wedegi kod joma odak machiegni kodgi osetieki, kendo onge kata ng’at achiel modong’.

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Daniel 2:22

Ofwenyo gik matut kendo mopondo, bende ong’eyo gik ma opand e mudho, kendo ler olwore koni gi koni.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Jo-Efeso 1:23

Kanyakla mar joma oyie kuom Kristo en ringre Kristo, kendo ka ringruok oriwore gi wich, to Jal mamiyo gik moko duto chopo kare, bende chopo kare en owuon!

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.