Jeremia 23:21 - MUMA MALER 2015

²¹ Ruoth Nyasaye nowacho niya, “An, ne ok aoro jonabigo, to ne girikni arika ka gidhi. Bende ne ok amiyogi wach moro, to pod ne giwuoyo mana e nyinga!

Motingʼo Loko Manyien

²¹ Ne ok aoro jonabigi, kata kamano giseringo gi wechegi; ne ok awuoyo kodgi, to kata kamano gisekoro wach.

Jeremia 23:21 ပူးပေါင်းရင်းမြစ်များ

Isaya 6:8

Bang’ mano ne awinjo ka Ruoth Nyasaye wacho niya, “Ere ng’ama daor? Koso ng’ano ma dibed jaotena?” An to ne adwoko niya, “Era e, an ema mondo iora.”

Jeremia 14:14

To Ruoth Nyasaye nowachona niya, “Jonabigo koro weche mag miriambo e nyinga. An ne ok aorogi, kendo ne ok amiyogi chik, bende ne ok awuoyo kodgi. Gik ma giwachonugo gin fweny ma ok owuok kuoma, to gikoro mana weche manono ma giparo apara.

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 27:14

Kik udew weche jonabi ma kwerou ni kik uti ni ruodh Babulon, nimar giwuondou.

Jeremia 27:15

Ruoth Nyasaye owuon osewacho ni ne ok oorogi, to giwuondou awuonda e nyinge. Mano emomiyo noriembu, mi negu duto, kaachiel gi jonabi ma wachonu miriambogo.”

Jeremia 28:15

Bang’e Jeremia nowacho ni Hanania niya, “Koro winji, Hanania. Ruoth Nyasaye ok oori, to imiyo jogi geno mana miriambo.

Jeremia 29:31

mondo oor wach ni ji duto mane oter Babulon e tuech, konyisogi gima ne Ruoth Nyasaye owacho kuom Shemaya.

Jeremia 29:8

An Ruoth Nyasaye ma Nyasach Israel asiemou ni kik jonabi modak kodu kata jokor wach wuondu. Kik uchik itu ni lekgi,

Jeremia 29:9

nimar giwachonu miriambo e nyinga, to an ne ok aorogi. An Ruoth Nyasaye ema awacho kamano.’ ”

Johana 20:21

Yesu nowachonigi kendo niya, “Kue obed kodu! Kaka ne Wuora oora, e kaka an bende koro aorou.”

Tich Joote 13:4

Kane Roho Maler oseoro Barnaba gi Saulo kamano, ne gidhi Seleukia, kuma ne giidhoe yie mi gikwang’ gidhi Saipras.

Jo-Rumi 10:15

Koso ere kaka ji nyalo lando Wach Maber ka ok oorgi? En mana kaka Muma wacho niya, “Mano kaka ji mor ka gineno joma kelo nigi Wach Maber!”