Jeremia 23:17 - MUMA MALER 2015

¹⁷ Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Motingʼo Loko Manyien

¹⁷ Gisiko giwachone jogo ma jara ni, ‘Jehova Nyasaye wacho: Unubed gi kwe.’ Kendo ne jogo maluwo timbe achach mag chunjegi wacho ni, ‘Onge gima biro hinyowa.’

Jeremia 23:17 ပူးပေါင်းရင်းမြစ်များ

2 Samuel 12:10

Emomiyo koro lweny ok norum e dhoodi, nikech isechaya, kendo isekawo chi Uria ja-Hiti obedo chiegi.’

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Isaya 57:21

An Nyasaye awacho niya, “Joricho onge gi kue.”

Jeremia 13:10

Oganda marachni osetamore winjo wachna, mi gisebedo joma wigi tek, kendo ma timbegi richo. Giselamo nyiseche mamoko, kendo gitiyonigi. Kuom mano gibiro chalo mana gi law ma koro onge tichni.

Jeremia 18:12

To gibiro dwoki niya, ‘Ok wanyal loko timbewa! Wabiro timo mana gima wahero, ka ng’ato ka ng’ato timo mana gima wiye omiye.’

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 3:17

E ndalogo noluong Jerusalem ni komduong’ mar Ruoth Nyasaye, kendo ogendini duto nochokre kuno mondo omi nyinga duong’. Ok ginichak gitim tim wich teko, bende ok ginibed gi chuny mar timo richo.

Jeremia 4:10

Kane awinjo kamano, nawacho niya, “A Ruoth Nyasaye, isewuondo jo-Jerusalem chuth! Niwacho ni kue biro betie, to koro ligangla ema nie ng’utwa!”

Jeremia 5:12

Jo-Ruoth Nyasaye osekwede, ka giwacho niya, “Ok obi timo gimoro. Onge masira moro, kaka lweny kata kech, ma nobi kuomwa.”

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 7:24

To ne ok gidewa, bende ne ok giwinjo wachna. Ne gisiko ka gitimo timbe mag wichkuot, kendo kar dhi nyime, to ne gidok chien.

Jeremia 8:11

nimar giwacho ni gik moko dhi nyime maber to chutho gik moko ok dhi nyime maber. Kuom mano gichalo gi jothieth mathiedho jotuo marachrach, mana ka gima ok gituo.

Jeremia 9:14

Gisebedo mana ka wigi tek, ka gitimo dwarogi giwegi, kendo giselamo kido manono mag Baal, kaka ne kweregi opuonjogi.

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Ezekiel 13:10

“Jonabi wuondo joga, kanyisogi ni gik moko duto dhi maber, to kara gik moko ok dhi maber ngang’! Joga osegero ohinga mayomyom, to jonabi osebiro, momwone.

Ezekiel 13:19

Useketho nyinga kuom joga mana ni mondo uyud cham moko sanja, kod makati matin. Unego joma ok owinjore negi. Mano e kaka uwuondo joga moyie gi wecheu mag miriambogo.

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Amos 9:10

Joga duto ma joketho ibiro negi e lweny kata mana mago duto mawacho niya, ‘Nyasaye ok nowe masira chop kuomwa.’

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mika 3:5

Ruoth Nyasaye wacho niya, “Jonabi wuondo joga ka nyiso joma miyogi gik moko ni gibiro yudo kue, to joma ok migi gimoro, to gibwogo ni gibiro kelonigi lweny.

Zefania 1:12

“Chieng’no anamany Jerusalem, kamenye gi taya, mi akum joma osiko katimo atima richo, kendo wacho ni Ruoth Nyasaye ok bi timo gimoro kata matin.

Zekaria 10:2

Nyiseche manono wacho weche maonge tiendgi, kende ajuoke neno ranyisi mag miriambo. Gileko lek ma ok adiera, kendo giwacho weche mawito ji. Mano emomiyo ji bayo abaya ka rombe, kendo githagore nikech gionge jakwath.

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Rapar mar Chik 29:18

Kapo ni nitie ng’ato kuomu ma dichwo kata ma dhako, kata ka nitie joot kata dhoot moro madwaro weyo lamo Ruoth Nyasaye ma Nyasachwa, mondo odhi olam nyiseche mag ogendini mamoko, to mano nyalo bedone chakruok mar masira gi lit.

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.

1 Jo-Thesalonika 4:8

Emomiyo ng’at modagi puonjni ok odagi winjo dhano, to odagi winjo mana Nyasaye, mamiyou Roho mare Maler.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.