Jeremia 23:11 - MUMA MALER 2015

¹¹ Ruoth Nyasaye wacho niya, “Timbe jonabi gi timbe jodolo ok ler. Asejukogi ka gitimo richo kata mana e Hekalu mara!

Motingʼo Loko Manyien

¹¹ Jehova Nyasaye wacho niya, “Jonabi kod jodolo ok oluoro Nyasaye; kata mana ei hekalu mara ayudoe timbegi maricho.”

Jeremia 23:11 ပူးပေါင်းရင်းမြစ်များ

2 Weche mag Ndalo 33:5

Nogero kende-ma-liswa ni sulue duto e laru ariyo mag Od Ruoth Nyasaye.

2 Weche mag Ndalo 33:7

Kido mar nyasaye manono ma noseloso, noketo ei Hekalu. To Nyasaye nosewuoyo kuom Hekaluno, kowacho ni Daudi gi Solomon wuod Daudi niya, “Aseyiero Hekaluni gi Jerusalem kuom dhoudi duto mag Israel mondo nyinga obedie nyaka chieng’.

2 Weche mag Ndalo 36:14

Jodolo madongo duto bende kaachiel gi ji, noweyo Ruoth Nyasaye chuth, ka giluwo timbe makuero mag jopinje mamoko. Ne gidwanyo Od Ruoth Nyasaye, mane oseguedho mondo obed mare e Jerusalem.

Ezra 10:18

Jodolo mane oyud ni osekendo nyi joma ok jo-Yahudi, ne gin Maaseya gi Eliezer gi Jarib kod Gedalia ma jaka Jeshua wuod Jozadak, gi owetene.

Jeremia 11:15

Ruoth Nyasaye wacho niya, “Joma ahero, timo timbe maricho. Ere gimomiyo oyienigi biro e oda? Koso giparo ni ginyalo geng’o masira kuom timo kuong’ruok kendo kuom wang’o boche ma gitimogo misengni? Bende giparo ni ginitony adier?

Jeremia 23:15

Kuom mano, an Ruoth Nyasaye Manyalo Gik Moko Duto, awuoyo kuom jonabi mag Jerusalem, ni abiro miyogi alode makech mondo gicham, kod pi motimo kwiri mondo gimodhi, nikech giselando weche makwedo Nyasaye e pinygi duto.”

Jeremia 32:34

Giseketo kido mag nyisechegi makuero e Hakalu mara, mi gidwanyo,

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 50:6

“Joga chalo gi rombe molal ma jokwadhgi owito e gode. Gisebayo ka rombe maa got moro kadhi e got machielo, kendo wigi osewil gi kuma dalagi nitie.

Jeremia 6:13

“Ji duto madongo gi matindo temo yudo pesa e yore mag miganga, kata mana jonabi gi jodolo bende migengni.

Jeremia 7:30

“Jo-Juda osetimo gima rach e nyima. Giseketo nyisechegi makuero e Hekalu mara, mi gidwanyo. An Ruoth Nyasaye ema awacho kamano.

Jeremia 8:10

Kuom mano mondgi kaachiel gi puothegi abiro miyo jomoko nono. Ji duto, madongo gi matindo, temo yudo pesa e yore mag miriambo, kata mana jonabi gi jodolo duto bende jomriambo,

Ywagruok 2:20

Yaye Ruoth Nyasaye, rang mondo ineye joma isesando malit! Bende mon dicham nyithindgi ma giserito maber? Koso jodolo gi jonabi dineg adier e Hekalu mari?

Ezekiel 23:39

Kane gisenego nyithinda ka misango miwang’o ni nyiseche manono, ne gibiro e Hekalu mara, mi gidwanyo mana chieng’ onogo. Adier, mano e gima ne gitimo e Hekalu mara!

Ezekiel 44:10

“Jo-Lawi mane oringo oweya kaachiel gi jo-Israel mamoko, mi olamo nyiseche manono, nyaka kum kuom richogino.

Ezekiel 7:20

Ne gisungore gi kite ma nengogi tek, mane gilosogo nyiseche manono makuero. Mano ema omiyo Ruoth Nyasaye nomiyo mwandugi othing’ogi.

Ezekiel 8:11

Jodong Israel piero abiriyo ne ni kanyo, ka Jaazania wuod Shafan nie diergi. Moro ka moro noting’o gima iwang’oe ubani, ka ubani dum iro.

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Zefania 3:3

Jotende ne chalo gi sibuoche ma ruto e iye, kendo ruodhi mage ne chalo gi ondiegi mawuotho gotieno, ma ok we piny ru ni gimoro ka pok gitieko,

Zefania 3:4

Jonabi mage ne joyiem, kendo ne ok gin jonabi madiera, bende jodolo mage ne ok dew gik mowal ni Nyasaye, kendo ne giketho chik.