Jeremia 23:1 - MUMA MALER 2015

¹ “Enobed malich manade kuom jotelo ma weyo joga inego kendo ikeyo.

Motingʼo Loko Manyien

¹ Jehova Nyasaye wacho niya, “Mano kaka unune malit un jokwath maketho kendo keyo romba kar kwadhgi!”

Jeremia 23:1 ပူးပေါင်းရင်းမြစ်များ

Jeremia 10:21

Jeremia nodwokogi niya, “Jotelo mau onge gi rieko, nikech ok gipenj wach kuom Ruoth Nyasaye. Mano emomiyo ok gisetimo gimoro maber, kendo jowa oseke kuonde duto.

Jeremia 12:10

Jotelo mag pinje mamoko oseketho puotha mar mzabibu. Gisenyono puothena piny gi tiendgi, mi giloko pinya maber odoko motwo ma ok nyag gimoro.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 2:26

To kaka wi jakuo kuot ka omake, e kaka un jo-Israel wiu nokuodi, kaachiel gi ruodhiu gi jodongu gi jodolo mau kod jonabi mau.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 22:22

Jotendu, yamo ema biro tero. Joma uriworugo ibiro kawo mi ter e tuech. Bang’e unuyud wichkuot kendo nog’eng’u nikech timbeu maricho.

Jeremia 23:2

An Ruoth Nyasaye ma Nyasach Israel awuoyo kuom jotelo mane onego rit joga niya, ‘Usekeyo joga, mi uriembo, bende ok useritogi maber. Koro abiro kumou nikech gik maricho ma usetimo.

Jeremia 50:6

“Joga chalo gi rombe molal ma jokwadhgi owito e gode. Gisebayo ka rombe maa got moro kadhi e got machielo, kendo wigi osewil gi kuma dalagi nitie.

Ezekiel 13:3

An Ruoth Nyasaye awacho kama: Joma koro weche mag miriambo none malit! Ok giseneno fweny moro, to giwacho mana gima chunygi ema paro.

Ezekiel 34:1

Ruoth Nyasaye nowuoyo koda mowachona niya,

Ezekiel 34:21

Ugoyo joweteu matuo gi mba, kendo utuomogi gi pat wiu, mi umiyo gipogore gia e kueth, kendo gike.

Ezekiel 34:31

“Un joga, un e kueth jamba makwayo, kendo an e Nyasachu. An Ruoth Nyasaye ema awacho kamano.”

Ezekiel 36:38

Mier ma tinde omukoregi ji nopong’ mana kaka rombe mitimogo misengni chieng’ sawo ne pong’o Jerusalem. Kamano gining’e ni an e Ruoth Nyasaye.’ ”

Zekaria 10:3

Ruoth Nyasaye wacho niya, “Mirima omaka gi jotend joga, omiyo abiro kumogi. To an Ruoth Nyasaye abiro konyo jo-Juda, ma akwano ka jamba, mi ami gibed marateke ka farese mag lweny.

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 9:36

Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

Johana 10:10

Jakuo biro mana ni mondo okwel, kendo oneki, kendo oketh gik moko. Anto asebiro ni mondo ji oyud ngima kendo obed ngima moromo chuth.

Johana 10:12

Jakwath mondiki, ma ok jakwath ma wuon rombe, to ringo weyo rombe koneno ka ondiek biro. Kuom mano ondiek gore kuom rombe kendo keyogi.

Johana 10:8

Ji duto mane obiro mokwongona ne jokuo kendo jomecho, kendo rombe ne ok odewogi.