Jeremia 22:9 - MUMA MALER 2015

⁹ Eka nodwokgi niya, ‘Mano osetimore nikech jogi oseweyo singruok mane Nyasachgi otimo kodgi, mi gilamo nyiseche mamoko kendo gitiyonigi.’

Motingʼo Loko Manyien

⁹ To dwoko nobed: ‘Nikech gisejwangʼo singruok mar Jehova Nyasaye ma Nyasachgi kendo giselamo kendo tiyone nyiseche mamoko.’ ”

Jeremia 22:9 ပူးပေါင်းရင်းမြစ်များ

1 Ruodhi 9:8

To bende Hekaluni nodong’ gunda, kendo ji duto ma kadho bute nowuor kendo nohum, ka gipenjo niya, ‘Ang’o momiyo Ruoth Nyasaye osetimo gima kama ni pinyni gi Hekaluni?’

2 Ruodhi 22:17

Ne gikwinya gi timbegi ka giweya, kendo ka giwang’o ubani ni nyiseche manono. Emomiyo mirimba nobed mager kuom pinyni, kendo ok norum.’

2 Weche mag Ndalo 34:25

Ne gikwinya gi timbegi, ka giweya, kendo ka giwang’o ubani ni nyiseche manono. Emomiyo akecho kodgi, kakumogi nyaka chieng’.’

Jeremia 11:10

Gisedok e richo kweregi mane otamore timo gima ne awacho, nikech gisebedo ka gilamo nyiseche manono. Jo-Israel gi jo-Juda oseketho singruok mane atimo gi kweregi.

Jeremia 11:3

ni Ruoth Nyasaye ma Nyasach Israel okuong’o ng’ato ang’ata motamore rito wach singruokni.

Jeremia 16:11

To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.

Jeremia 50:7

Ji duto moyudogi monjogi. Wasikgi to wacho niya, ‘Ne gitimo timbe maricho e nyim Ruoth Nyasaye, omiyo gima watimonigi ok rach. Kweregi nogeno kuom Ruoth Nyasaye, kendo gin bende nonego gisik ka gigeno kuome.’

Jeremia 9:13

To Ruoth Nyasaye nodwoka niya, “Gima kama osetimore nikech jo-Israel oseweyo chik mane amiyogi. Ok giseluora, to bende ok gisetimo gik mane awachonigi ni mondo gitim.

Ezekiel 12:16

Anawe moko manok kuomgi tony e lweny, kendo e kech gi tuoche, mondo kuonde ma gintie e kind ogendini, ging’e ni timbegi osebedo modwanyore kendo ging’e ni an e Ruoth Nyasaye.”

Ezekiel 14:23

Bende ka uneno kaka richogi chalo, to unuyie, mi ung’e ni kara ne akumogi mana e wang’e. An Ruoth Nyasaye ema awacho kamano.”

Ezekiel 39:23

kendo ogendini mamoko nong’e ni ne oter jo-Israel e tuech nikech richo mane gitimo ka giweya. Ne ajwang’ogi e lwet wasikgi, kendo aweyo githo giduto e lweny.

Ezekiel 5:15

Adier, ka akumou malit gi mirimba mager to unubed gima ichayo, kendo miyanyo, bende unubed puonj malich ni ogendini mokiewo kodu. An Ruoth Nyasaye ema awacho kamano

Rapar mar Chik 29:24

Bang’e ogendni duto nopenjre ni, ‘Ang’o momiyi Ruoth Nyasaye osetimo gima kama e pinyni? Ere tiend mirima magerni?’