Jeremia 22:8 - MUMA MALER 2015

⁸ Bang’e achien, jopinje mamoko nobed ka kadho kanyo, kendo ginipenjre kendgi ni, ‘Ere gimomiyo Ruoth Nyasaye osetimo gima chal kama ni dala maduong’ni?’

Motingʼo Loko Manyien

⁸ “Ji moa e pinje mangʼeny nokal e dala maduongʼni kendo ginipenjre kendgi giwegi ni, ‘Angʼo momiyo Jehova Nyasaye timo gima chalo kama ne dala maduongʼni?’

Jeremia 22:8 ပူးပေါင်းရင်းမြစ်များ

Jeremia 16:10

“Ka inyisogi wechegi, to gibiro penji gima omiyo asechano mondo akumgi malit kamano. Bende gibiro penji gima giseketho, kata richo ma gisetimo e nyim Ruoth Nyasaye ma Nyasachgi.

Jeremia 40:2

Jatend lwenyno nogolo tenge mowachone niya, “Ruoth Nyasaye ne osesiemo ni obiro kelo masira e pinyni,

Jeremia 40:3

kendo koro osetimo gima ne owacho ni notim. To gigo duto osetimore mana nikech jou osetimo timbe maricho e nyim Ruoth Nyasaye, kendo nikech ne ok giwinjo chikne.

Ywagruok 4:12

Onge ruoth moro kata mana ng’at achiel modak e piny mane oyie ni jasigu didonj e dhorangeye Jerusalem.

Ezekiel 12:16

Anawe moko manok kuomgi tony e lweny, kendo e kech gi tuoche, mondo kuonde ma gintie e kind ogendini, ging’e ni timbegi osebedo modwanyore kendo ging’e ni an e Ruoth Nyasaye.”

Ezekiel 14:23

Bende ka uneno kaka richogi chalo, to unuyie, mi ung’e ni kara ne akumogi mana e wang’e. An Ruoth Nyasaye ema awacho kamano.”

Ezekiel 39:23

kendo ogendini mamoko nong’e ni ne oter jo-Israel e tuech nikech richo mane gitimo ka giweya. Ne ajwang’ogi e lwet wasikgi, kendo aweyo githo giduto e lweny.

Ezekiel 5:15

Adier, ka akumou malit gi mirimba mager to unubed gima ichayo, kendo miyanyo, bende unubed puonj malich ni ogendini mokiewo kodu. An Ruoth Nyasaye ema awacho kamano

Daniel 9:7

In Ruoth Nyasaye pile isebedo kitimo gik makare, to wan jo-Juda gi jo-Jerusalem gi jo-Israel duto mane ikeyo e pinje machiegni gi maboyo nikech ne waweyi, ema wasebedo ka watimo timbe mag wichkuot.