Jeremia 22:3 - MUMA MALER 2015

³ An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Motingʼo Loko Manyien

³ Ma e gima Jehova Nyasaye wacho: Tim gima nikare kendo mowinjore. Res ngʼatno e lwet ngʼama thire, ngʼatno mosemaye. Kik itim marach kata tugo lweny gi jadak, kiye kata mon ma chwogi otho, kendo kik ichwer remo maonge gi wach ka eri.

Jeremia 22:3 ပူးပေါင်းရင်းမြစ်များ

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

2 Ruodhi 24:4

kopong’o Jerusalem gi remb joma onge ketho.

Ayub 22:9

Ok en mana ni ne idagi konyo mond liete kende, to nyithi kiye bende ne ithago, kendo imayogi gik mane gin go.

Ayub 24:9

Joricho loko nyithi kiye wasumbni, kendo gikawo nyithind joma odhier kar gope.

Zaburi 68:5

Nyasaye modak e Hekalu mare maler rango nyithi kiye, kendo rito mond liete.

Zaburi 82:4

Ee, resgiuru e lwet joma timbegi richo.

Zaburi 94:21

kendo ma chokore mondo otim ni joma kare timbe mamono, mi ng’ad ni joma onge ketho buch tho.

Zaburi 94:6

Ginego mond liete gi nyithi kiye, kaachiel gi jopinje mamoko modak e pinywa

Wuok 22:21

“Kik uthag jadak, kata kik uthire, nikech un bende ne un jodak e piny Misri,

Wuok 22:22

bende kik uthag chi liel kata nyathi ma kich.

Ngeche 23:10

Kik iketh kiew machon, kata kik ima nyithi kiye lopgi,

Ngeche 6:17

Mokwongo en wang’ maneno gi sunga, mar ariyo en lep mawacho miriambo, mar adek en lwedo machwero remb joma onge ketho,

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 58:6

Donge kit tueyo chiemo ma adwaro en ni mondo ugony tonde mag richo, kendo utur jok duto, mondo joma isando oyud yueyo?

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Jeremia 26:16

Kane jodongo gi ji duto owinjo wechego, ne giwacho ni jodolo gi jonabi niya, “Ng’atni ok owinjore ng’adne buch tho, nikech osewuoyo mana kodwa e nying Ruoth Nyasaye ma Nyasachwa.”

Jeremia 5:28

bende emomiyo gichwe kendo dendgi leny. Timbegi maricho ng’eny mokadho akwana. Ok gikony nyithi kiye mondo oyud bura makare, bende ok ging’ad bura makare ni joma odhier.

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Jeremia 9:24

To ng’at madwaro sungore, to mondo osungre mana nikech ong’eya, kendo wechena osedonjone, nimar an Ruoth Nyasaye ahero ji gi hera mosiko, kendo atimo gik makare kendo mowinjore e piny, nikech kamano e kaka adwaro. An Ruoth Nyasaye ema awacho kamano.”

Ywagruok 3:36

kata ketho buch ng’ato kiyalo.

Ezekiel 18:12

Othiro joma odhier, bende omecho, kendo otamore dwoko gima osingne. Olamo nyiseche manono, kendo otimo timbe modwanyore,

Ezekiel 18:7

Ok othir ng’ato kendo ok omechi, bende odwoko gima osingne. Joma kech ohewo omiyo chiemo, kendo joma wuotho duge orwako gi lewni.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Ezekiel 45:9

Ruoth Nyasaye nowacho niya, “Usetimo richo aming’a un jotend Israel. Weuru timbeu mag mecho kod mag thir muthirogo ji. To timuru mana gik makare kendo mowinjore. Bende kik uchak uriemb joga e lopgi kendo. An Ruoth Nyasaye ema awacho kamano.

Joel 3:19

Piny Misri biro lokore thim, kendo piny Edom nolokre thim modong’ nono, nikech jopinjego nomonjo piny Juda, mochuero remb joma onge gi ketho.

Tim jo-Lawi 19:15

“Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera.

Amos 5:15

Beduru mamon gi gik maricho, to heruru gik mabeyo, kendo gururu bura makare e ut bura, nikech dipo ka Ruoth Nyasaye Manyalo Gik Moko Duto otimo ng’wono ni joka Josef modong’.

Amos 5:24

Weuru bura makare omol ka pi, kendo tim makare bende omol ka aora ma ok duon.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 23:23

Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.

Rapar mar Chik 10:18

To ong’ado bura kare ni mond liete, kendo ni nyithi kiye. Ohero jodak, kendo omiyogi chiemo gi lewni.

Rapar mar Chik 24:17

“Kik ung’ad buch amwor ni jodak kata ni nyathi kich, bende kik ukaw law dhako ma chwore otho ka gir singo.

Rapar mar Chik 24:7

“Ka oyud ng’ato kokwalo ja-Israel wadgi mi oloke misumbane, kata ong’iewe gi ng’ato, to nyaka neg jakuogno. Mano e kaka unupwodhru kuom richo ma kamano.

Rapar mar Chik 25:1

“Ka ji ariyo larore e wach moro, mi gibiro mondo oyalgi, to nyaka jong’ad bura ng’ad nigi bura kare, ka giweyo ng’at ma onge gi ketho, to gikumo jaketho.

Rapar mar Chik 27:19

“ ‘Okuong’ ng’at moketho buch japiny moro modak kodu, kata buch nyathi ma kich, kata buch chi liel.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.