Jeremia 22:28 - MUMA MALER 2015

²⁸ Jeremia nowacho niya, “Uparo ni Jekonia en agulu motho, mowit oko, ma ng’ato ok dwar koso? Ka ok kamano, to ere gima omiyo owite kaachiel gi nyithinde e piny ma ok ong’eyo?

Motingʼo Loko Manyien

²⁸ Bende ngʼatni Jehoyakin en ngʼama ojar, agulu motore, gino maonge ngʼama dwaro? En angʼo momiyo en kod nyithinde nyaka witgi oko e piny ma ok gingʼeyo?

Jeremia 22:28 ပူးပေါင်းရင်းမြစ်များ

2 Samuel 5:21

Jo-Filistia noringo moweyo nyisechegi kanyo, mi Daudi kod joge nokawogi.

2 Weche mag Ndalo 21:20

Ne en jahigni piero adek gariyo kane odoko ruoth, kendo norito piny kuom higni aboro kodak Jerusalem. Notho ma onge ng’ama oywage. Ne giyike e dala Daudi, to ok e liete ruodhi.

Zaburi 31:12

Ji duto wigi osewil koda, mana ka gima asetho, kendo achalo mana ka yugi ma osewit oko.

Jeremia 14:18

Ka awuok oko e pap, to aneno ringre joma onegi e lweny, to ka adonjo e dala moro, to aneno joma kech nego. Jonabi gi jodolo dhi nyime gi tijegi, to chutho ok ging’eyo gima gitimo.’ ”

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 16:12

Koro un to usetimo gik maricho moloyo kata mane kwereu otimo. Un duto un joma richo ma wigi tek, ma ok nyal luora.

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 22:27

Ok unuduog e pinyu muheroni.”

Jeremia 22:30

Ng’atni okuong’, omiyo enotho maonge nyathi. En ng’at ma ok nyal dhi nyime maber. Nyikwaye ok nobed ruodhi mag Juda ka Daudi. An Ruoth Nyasaye ema awacho kamano.”

Jeremia 24:1

Ruoth Nyasaye ne onyisa atonge ariyo moting’o ng’owo, koket e nyim Hekalu, mano notimore kane Nebukadnezar ruodh Babulon osetero Jekonia wuod Jehoyakim ma ruodh Juda e tuech Babulon, kaachiel gi jotend Juda gi jotheth kod joma olony e tich lwedo.

Jeremia 27:20

kane omako Jekonia wuod Jehoyakim ruodh Juda motero Babulon kaachiel gi jodong Juda gi Jerusalem.

Jeremia 37:1

Nebukadnezar ruodh Babulon noketo Zedekia wuod Josia ruodh Juda kar Jekonia wuod Jehoyakim.

Jeremia 48:38

Ji ywak ewi udi duto kendo e wang’ yore mag Moab nimar aseketho piny Moab, mana ka ng’ama nego agulu ma onge tich. An Ruoth Nyasaye ema awacho.

Hosea 13:15

Kata obedo ni jo-Israel dhi nyime maber ka buya malandore, to abiro kelonigi jaketh ma notiek gigi mabeyo duto mana kaka yamb oro moa e piny motimo ongoro duono sokni duto.

Hosea 8:8

Jo-Israel duto ibiro mwonyo, mi tieki pep. To kata mana sani ogendini mamoko okawogi ka joma nono.