Jeremia 22:18 - MUMA MALER 2015

¹⁸ Kuom mano, Ruoth Nyasaye wuoyo kuom Jehoyakim wuod Josia, ma ruodh Juda niya, “Onge ng’ama noywage, kawacho ni, ‘Yaye Ruoth! Thoni lit manadi!’

Motingʼo Loko Manyien

¹⁸ Emomiyo ma e gima Jehova Nyasaye wacho kuom Jehoyakim wuod Josia ruodh Juda: “Ok giniywage ni: ‘Yaye, owadwa! Yaye, nyamera!’ Ok giniywage ni: ‘Yaye, jatenda! Yaye, duongʼ mari!’

Jeremia 22:18 ပူးပေါင်းရင်းမြစ်များ

2 Samuel 1:26

Ne ageni ahinya, kendo gen ma nigenago ne lich miwuoro. Ne okadho hera ma mon herogo chwogi.

1 Ruodhi 13:30

Noyiko ringre ng’atno e bure owuon, mi ne giywage, ka giwacho niya, “Yaye owadwa!”

2 Ruodhi 23:36

Jehoyakim ne jahigni piero ariyo gabich kane odoko ruoth, morito piny kuom higni apar gachiel, kodak Jerusalem. Min mare ne nyinge Zebida nyar Pedaya ma ja-Ruma.

2 Ruodhi 23:6

Nogolo siro milamo miluongo ni Ashera e Od Ruoth Nyasaye, motero e dho aora Kidron e bath Jerusalem. Nowang’e kanyo but aora, motoye matindotindo nyaka olokore buru. Eka nokawo buche, mopuko e liete ji ajiya.

2 Ruodhi 24:6

Jehoyakim notho, moluwo kwerene, mi Jehoyachin wuode nodoko ruoth kare.

1 Weche mag Ndalo 3:15

Yawuot Josia ne gin Johanan, wuode makayo, gi Jehoyakim wuode mar ariyo, gi Zedekia wuode mar adek, gi Shalum, wuode mar ang’wen.

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

2 Weche mag Ndalo 36:5

Jehoyakim ne jahigni piero ariyo gabich kane odoko ruoth, morito piny kuom higni apar gachiel, kodak Jerusalem. Timbene ne richo e nyim Ruoth Nyasaye ma Nyasache.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 16:6

Joma omew kaachiel gi joma odhier biro tho e pinyni, to onge ng’ama noywaggi kata noyikgi. Onge ng’ama noter buchgi kata ma noliel wiye ma nyiso ni en e lit

Jeremia 21:11

“In Jeremia, nyis jood ruodh Juda ma nyikwa ruoth Daudi mondo owinj gima Ruoth Nyasaye owacho.

Jeremia 22:10

“Jo-Juda, kik uywag ruoth Josia, ma koro osethoni, to ywaguru wuode ma Shalum, nikech osetere e piny moro, kendo ok noduogi, bende ok ochak one piny mane onywolee.

Jeremia 22:12

Enotho e piny ma giseteree, kendo ok nochak one pinyni.’

Jeremia 34:5

to initho gi kue, mi ji nowang’ni gik mang’ue ng’ar kiyiki, mana kaka ne giwang’o ni kwereni mane okwongoni bedo ruodh. Giniywagi ka giwacho niya, ‘A yaye!’ Ruodhwa otho! An Ruoth Nyasaye ema awacho kamano.”

Jeremia 36:30

Kuom mano, an Ruoth Nyasaye awachoni, in ruoth Jehoyakim, ni onge nyakwari moro amora ma nobed ruoth ka Daudi. Ringri nowiti oko kama chieng’ nochamee godiechieng’, kendo koyo nochamee gotieno.